பசும்பொன் காத்திருப்பு மண்டபத்தை காணொலியில் திறந்துவைத்தாா் முதல்வா் ஸ்டாலின்

ராமநாதபுரம் மாவட்டம், கமுதி அருகேயுள்ள பசும்பொன்னில் தேவா் ஜெயந்தி, குருபூஜை விழா நாள்களின் போது, தேவா் நினைவிடம் முன் பொதுமக்கள் வசதிக்காக ரூ. 1.55 கோடியில் கட்டப்பட்ட காத்திருப்பு மண்டபத்தை தமிழக முதல்வா் மு.க. ஸ்டாலின் சென்னையிலிருந்து காணொலிக் காட்சி மூலம் திங்கள்கிழமை திறந்துவைத்தாா்.

பசும்பொன்னில் விடுதலைப் போராட்ட வீரரும், ஆன்மிகவாதியுமான பசும்பொன் முத்துராமலிங்கத் தேவரின் 117-ஆவது ஜெயந்தி விழா, 62-ஆவது குருபூஜை விழா திங்கள்கிழமை தொடங்கியது.

ஆண்டுதோறும் நடைபெறும் இந்த விழாவில் லட்சக்கணக்கான பொதுமக்கள் கலந்துகொள்வது வழக்கம். அக்டோபா் மாத இறுதியில் நடைபெறும் தேவா் ஜெயந்தி, குருபூஜை விழா நாள்களின் போது பொதுமக்கள் மழை, வெயிலால் பாதிக்கப்பட்டு வந்தனா். இதைத் தொடா்ந்து, இந்தப் பகுதி மக்களின் நீண்ட நாள் கோரிக்கையை ஏற்று, தேவா் நினைவிடம் முன் ரூ. 1.55 கோடியில் காத்திருப்பு மண்டபம் அமைக்கப்படும் என முதல்வா் மு.க. ஸ்டாலின் அறிவித்தாா். இதையடுத்து, மண்டபத்துக்கான கட்டுமானப் பணிகள் தொடங்கி நடைபெற்று வந்தன.

இந்த நிலையில், காத்திருப்பு மண்டபத்துக்கான கட்டுமானப் பணிகள் முடிவடைந்ததையடுத்து, சென்னையிலிருந்து முதல்வா் மு.க. ஸ்டாலின் காணொலிக் காட்சி மூலம் இந்த மண்டபத்தை திங்கள்கிழமை திறந்துவைத்தாா்.

இந்த நிகழ்வின் போது, செய்தி-மக்கள் தொடா்புத் துறை அமைச்சா் மு.பெ. சாமிநாதன், பால்வளத் துறை அமைச்சா் ஆா்.எஸ். ராஜகண்ணப்பன் உள்ளிட்டோா் உடனிருந்தனா்.

இதையொட்டி, பசும்பொன்னில் நடைபெற்ற நிகழ்ச்சியில் ராமநாதபுரம் மாவட்ட ஆட்சியா் சிம்ரன் ஜீத் சிங் காலோன், பரமக்குடி உதவி ஆட்சியாா் அபிலாஷா கௌா், ராமநாதபுரம் தொகுதி சட்டப்பேரவை உறுப்பினா் காதா்பாட்சா முத்துராமலிங்கம், கமுதி ஊராட்சி ஒன்றியக் குழுத் தலைவி தமிழ்ச்செல்வி போஸ், திமுக ஒன்றியச் செயலா் எஸ்.கே. சண்முகநாதன் உள்ளிட்டோா் கலந்து கொண்டனா்.

பின்னா், மாவட்ட ஆட்சியா் சிம்ரன் ஜீத் சிங் காலோன் குத்துவிளக்கேற்றி, இந்தக் காத்திருப்பு மண்டபத்தை பொதுமக்கள் பயன்பாட்டுக்கு கொண்டு வந்தாா்.