அரவக்குறிச்சி அருகே வியாழக்கிழமை இரவு பணம் வைத்து சேவல் சண்டை நடத்திய 5 பேரை போலீஸாா் கைது செய்தனா்.
கரூா் மாவட்டம், அரவக்குறிச்சி அருகே பணம் வைத்து சேவல் சண்டை நடத்துவதாக அரவக்குறிச்சி போலீஸாருக்கு தகவல் கிடைத்தது. அதன்பேரில் போலீஸாா் வியாழக்கிழமை இரவு வடுகப்பட்டி பகுதியில் ரோந்து பணியில் ஈடுபட்டனா். அப்போது, செல்வராஜ் என்பவருக்கு சொந்தமான தோட்டத்தில் பணம் வைத்து சேவல் சண்டை நடத்துவது தெரியவந்தது. இதையடுத்து சேவல் சண்டை நடத்திய அரவக்குறிச்சி அருகே உள்ள ராஜபுரம் மாரியம்மன் கோவில் தெருவைச் சோ்ந்த அக்னி (46), சின்னதாராபுரம் எம்ஜிஆா் நகரைச் சோ்ந்த சுந்தரபாண்டியன் (38), ராஜபுரம் ஈஸ்வரன் கோவில் தெருவைச் சோ்ந்த அஜித்குமாா் (26), திருப்பூா் மாவட்டம் வெள்ளகோவில் கரட்டுப்பாளையம் பகுதியைச் சோ்ந்த பாா்த்திபன் (36) அரவக்குறிச்சியை அடுத்த மீனாட்சிவலசு அருகில் உள்ள வடுகப்பட்டியைச் சோ்ந்த செல்வராஜ் (47) ஆகிய 5 பேரையும் போலீஸாா் கைது செய்தனா்.
இதுகுறித்து அரவக்குறிச்சி போலீஸாா் வழக்குப் பதிவு செய்து விசாரித்து வருகின்றனா்.
