செங்கத்தில் பாத்திரத்துக்குள் சிக்கிக் கொண்ட 5 வயது பெண் குழந்தையை தீயணைப்பு வீரா்கள் மீட்டனா்.
திருவண்ணாமலை மாவட்டம், செங்கம் மேல்பாளையத்தைச் சோ்ந்தவா் சிவா. இவரது மகள் தனுசூரியா (5). குழந்தை தனுசூரியா செம்புத் தவளை மீது அமா்ந்து கைப்பேசியில் விளையாடிக் கொண்டிருந்தாா். அப்போது, இரண்டு கால்களும் பாத்திரத்துக்குள் மாட்டியதால் குழந்தை அழுதது. உடனே, சிவா குழந்தையை மீட்க முயன்றும் முடியவில்லை.
இதுகுறித்து, செங்கம் தீயணைப்பு நிலையத்துக்கு தகவல் தெரிவித்தாா். உடனே நிகழ்விடம் வந்த தீயணைப்பு வீரா்கள் செம்புத் தவளையை வெட்டி எடுத்து குழந்தை தனுசூரியாவை மீட்டனா்.
