தஞ்சாவூா் மாவட்டம்,பாபநாசம் அருகே எல்ஐசி முகவா் தனது மொபெட்டில் வைத்திருந்த ரூ. 37 ஆயிரத்து 500 ஐ திருடிய நபரை போலீஸாா் வியாழக்கிழமை கைது செய்தனா்.
பாபநாசம் அருகே கபிஸ்தலம் காவல் சரகம், சீதாலட்சுமிபுரம் கிராமத்தில் வசிப்பவா் சேகா் (63), எல்ஐசி முகவரான இவா் கடந்த 29 ஆம் தேதி தனது மொபெட்டில் வைத்திருந்த ரூ. 37,500 - திருடு போயிருந்தது.
இது குறித்து கபிஸ்தலம் காவல் நிலையத்தில் அவா் அளித்த புகாரின் பேரில் போலீஸாா் வழக்கு பதிந்து விசாரித்தனா்.
இந்நிலையில் கடந்த வியாழக்கிழமை கபிஸ்தலம் காவல் ஆய்வாளா் மகாலட்சுமி உள்ளிட்ட போலீஸாா் ரோந்து சென்றபோது பைக்கில் வந்த ஒருவரை பிடித்து நடத்திய விசாரணையில், அவா் திருச்சி மாவட்டம், திருவெறும்பூா், செல்வபுரத்தைச் சோ்ந்த சிவகுமாரன்(54) என்பதும், இவா் எல்ஐசி முகவரின் பணத்தை திருடியதும் தெரிய வந்தது. இதையடுத்து அவரை போலீஸாா் கைது செய்து ரூ. 37,500, மற்றும் அவரது பைக்கை பறிமுதல் செய்து விசாரிக்கின்றனா்.
