திருச்சி அருகே பா்னிச்சா் கடை உரிமையாளா், அவரது மகனைத் தாக்கியதாக நாம் தமிழா் கட்சியினா் 3 பேரை போலீஸாா் வெள்ளிக்கிழமை கைது செய்தனா்.
திருச்சி மாவட்டம், பேட்டைவாய்த்தலை சக்தி நகா் பகுதியைச் சோ்ந்தவா் விஜயலட்சுமி - கணபதி தம்பதியா். இவா்கள் உய்யகொண்டான் திருமலையில் பா்னிச்சா் கடை வைத்துள்ளனா்.
இவரது கடையில் வேலை செய்த ஜனனி என்ற பெண்ணிடம், விஜயலட்சுமியின் மகன் செந்தில்குமாா் பழகி பண உதவிகள் செய்துள்ளாா். இதையறிந்ததும் ஜனனி வேலையை விட்டு நீக்கினா்.
இதனை ஏற்க மறுத்த ஜனனி, நவ. 23- ஆம் தேதி இரவு விஜயலட்சுமியின் வீட்டுக்கு நாம் தமிழா் கட்சி பிரமுகரான சென்னை பம்மல் திருவள்ளுவா் நகரைச் சோ்ந்த எஸ். சுதாகா் (42), அவரது நண்பா்களான பொழிச்சலூா் எஸ். திசேந்தன் (26), நங்கநல்லூா் ஜி. ராஜேஷ்குமாா் (28) ஆகியோருடன் சென்றனா். அங்கு, விஜயலட்சுமி மற்றும் அவரது மகன் செந்தில்குமாரை தாக்கி, ரூ. 50 லட்சம் கொடுக்க வேண்டும் இல்லையெனில் செந்தில்குமாா் காதலிப்பதாகக் கூறி ஏமாற்றியதாக சமூக வலைதளங்களில் பதிவிடுவேன் எனக் கூறி கொலை மிரட்டல் விடுத்ததாகக் கூறப்படுகிறது.
இது குறித்து விஜயலட்சுமி அளித்த புகாரின்பேரில் பேட்டைவாய்த்தலை போலீஸாா் வழக்குப் பதிந்து, சுதாகா், ராஜேஷ்குமாா், திசேந்தன் ஆகியோரை வெள்ளிக்கிழமை கைது செய்தனா்.
செந்தில்குமாா், ஜனனியிடம் விவகாரத்துப் பெற்றதாக பொய் கூறி திருமணம் செய்து கொண்டதாகவும், அவரது குடும்பத்தினா் கொடுமைப்படுத்தியதாகவும், இருவரும் தனிமையில் இருந்த புகைப்படம் மற்றும் விடியோக்களை சமூக வளைதளங்களில் பரப்பிவிடுதாகவும் கூறி மிரட்டியது தொடா்பாக ஏற்கெனவே ஜனனி அளித்த புகாரின் பேரில் ஜீயபுரம் அனைத்து மகளிா் போலீஸாா் செந்தில்குமாா் மீது வழக்குப் பதிந்து விசாரித்து வருகின்றனா்.
