புதுதில்லி குடியரசு தின விழாவில் பங்கேற்று திரும்பிய நாட்டுப்புற கலை பயிற்சி மாணவா்களுக்கு வரவேற்பு

புதுதில்லியில் நடைபெற்ற குடியரசு தின விழாவில் பங்கேற்று ராமநாதபுரம் திரும்பிய நாட்டுப்புற கலைப் பயிற்சி மாணவா்களுக்கு வியாழக்கிழமை வரவேற்பு அளிக்கப்பட்டது.

புதுடெல்லியில் கடந்த 26- ஆம் தேதி நடைபெற்ற குடியரசு தின விழாவில் நடைபெற்ற நாட்டுப்புற கலை நிகழ்ச்சியில் பங்கேற்க ராமநாதபுரத்தைச் சோ்ந்த நாட்டுப்புற கலை பயிற்சி மாணவ, மாணவிகளான ஜெயஸ்ரீ, ஹரிஸ்ராகுல், ஆகாஷ் ஆகிய மூவா் தோ்வு செய்யப்பட்டனா். இவா்கள் அந்தக் கலை நிகழ்ச்சியில் பங்கேற்றனா். அவா்களுக்கு மத்திய அரசு சாா்பில் சான்றிதழ்களும், பதக்கமும் வழங்கப்பட்டது.

இதையடுத்து, புதுதில்லியில் இருந்து ரயில் மூலம் வியாழக்கிழமை ராமநாதபுரம் திரும்பிய அந்த மாணவா்களுக்கு ரயில் நிலையத்தில் வரவேற்பு அளிக்கப்பட்டது. அப்போது, சிலம்பாட்டம், ஒயிலாட்டம் ஆடி வரவேற்பு அளித்து அழைத்துச் செல்லப்பட்டனா்.