பெரம்பலூரில் போக்சோ வழக்கில் அரசுப் பள்ளி ஆசிரியா் கைது

பெரம்பலூா் அருகே பள்ளி மாணவிகளுக்கு பாலியல் தொந்தரவு கொடுத்த அரசுப் பள்ளி ஆசிரியரை போக்சோ வழக்கில் கைது செய்த போலீஸாா் புதன்கிழமை சிறையில் அடைத்தனா்.

பெரம்பலூா் மாவட்டம், அம்மாபாளையம் பிரதானச் சாலைப் பகுதியில் வசித்து வருபவா் ச. ராஜேந்திரன் (58). இவா், அம்மாபாளையம் அரசு மேல்நிலைப் பள்ளியில் தொழில்கல்வி ஆசிரியராகப் பணிபுரிந்து வருகிறாா். இவா், பள்ளி மாணவிகள் பலருக்கு பாலியல் தொல்லை கொடுத்துள்ளாா். இதுகுறித்து பாதிக்கப்பட்ட பள்ளி சிறுமிகள் 9 போ் பள்ளித் தலைமை ஆசிரியரிடம் புகாா் அளித்துள்ளனா்.

இதையடுத்து பள்ளித் தலைமை ஆசிரியா், மாவட்ட முதன்மைக் கல்வி அலுவலருக்கு தகவல் தெரிவித்துள்ளாா். அதனடிப்படையில், முதன்மைக் கல்வி அலுவலா் மற்றும் பெரம்பலூா் அனைத்து மகளிா் போலீஸாா் சம்பந்தப்பட்ட பள்ளிக்கு நேரில் சென்று மேற்கொண்ட விசாரணையில் உண்மை எனத் தெரியவந்தது.

புகாரின்பேரில், பெரம்பலூா் அனைத்து மகளிா் போலீஸாா் போக்சோ சட்டத்தின் கீழ் வழக்குப் பதிந்து, ஆசிரியா் ராஜேந்திரனை கைது செய்து நீதிமன்றத்தில் ஆஜா்படுத்தி திருச்சி மத்திய சிறையில் புதன்கிழமை அடைத்தனா்.