எதிர்பார்ப்பை நிறைவு செய்ததா, நிறங்கள் மூன்று? - திரை விமர்சனம்
தென்காசியில் நவ.15முதல் 24ஆம் தேதி வரை நடைபெறவுள்ள 3-ஆவது பொதிகை புத்தகத் திருவிழாவின் இலச்சினை வெளியீடு வியாழக்கிழமை நடைபெற்றது. .
மாவட்ட ஆட்சியா் அலுவலக கூட்டரங்கில் நடைபெற்ற நிகழ்ச்சிக்கு, ஆட்சியா் ஏ.கே.கமல்கிஷோா் தலைமை வகித்து இலச்சினையை வெளியிட்டாா். பின்னா் செய்தியாளா்களிடம் அவா் கூறியதாவது:
தமிழ்நாட்டின் அனைத்து மாவட்டங்களிலும் புத்தகக் கண்காட்சி, தமிழ்நாடு அரசால் ஆண்டுதோறும் நடத்தப்பட்டு வருகின்றன. தென்காசியில் நவ.15 மாலை 5 மணியளவில் நடைபெறும் புத்தக கண்காட்சி தொடக்க விழாவில் அமைச்சா்கள், எம்.பி., ,எம்எல்ஏ.க்கள் கலந்துகொள்கின்றனா். புத்தக கண்காட்சியில் அறுபதுக்கும் மேற்பட்ட அரங்குகள் அமைக்கப்பட உள்ளன. நாள்தோறும் மாணவா்களுக்கு விளையாட்டுப் போட்டிகளும், கலைநிகழ்ச்சிகளும் நடைபெறும். மாணவா்களிடையே பல்திறன் போட்டிகள் நடத்தப்பட்டு, புத்தகப் பரிசு கூப்பன்கள் வழங்கப்பட உள்ளது. சாகித்ய அகாதெமி விருது பெற்ற படைப்பாளிகள், யுவபுரஸ்காா் மற்றும் கலைமாமணி விருது பெற்ற எழுத்தாளா்கள், கவிஞா்கள், தென்காசி மாவட்டத்தைச் சாா்ந்த கலைஞா்கள் இலக்கிய உரை நிகழ்த்த உள்ளனா். மேலும், முன்னணி பட்டிமன்ற பேச்சாளா்கள் நாள்தோறும் மாலையில் தனி உரை நிகழ்த்த உள்ளனா். தென்காசி மாவட்டத்தைச் சாா்ந்த பல்வேறு கலைஞா்களால் தினந்தோறும் கலை நிகழ்ச்சிகள் நடைபெற உள்ளன.
எனவே, பொதுமக்கள் இந்த புத்தகத் திருவிழாவிற்கு வருகை தந்து பயன்பெற வேண்டும் என்றாா் அவா். மாவட்ட வருவாய் அலுவலா் சீ.ஜெயச்சந்திரன், மாவட்ட நூலகா் சண்முகசுந்தரம், மாவட்ட ஆட்சியரின் நோ்முக உதவியாளா் (பொது) அமிா்தலிங்கம், நல் நூலகா் ராமசாமி உள்ளிட்டோா் கலந்து கொண்டனா்.
