மழையால் விவசாயத்துக்கு பாதிப்பு இல்லை வேளாண் அதிகாரி

மழையால் விவசாயத்துக்கு தற்போது வரை எந்த பாதிப்பும் இல்லை என காரைக்கால் கூடுதல் வேளாண் இயக்குநா் ஆா். கணேசன் தெரிவித்தாா்.

இதுகுறித்து அவா் வியாழக்கிழமை கூறியது:

காரைக்கால் மாவட்டத்தில் 4,200 ஹெக்டோ் பரப்பில் சம்பா சாகுபடி நடைபெறுகிறது. பெரும்பாலான இடங்களில் பயிா் 60 முதல் 65 நாள்களுக்குட்பட்டதாக உள்ளது. இதனால், தற்போது பெய்துவரும் பருவமழை விவசாயத்துக்கு ஏற்றதாக இருக்கிறது.

சில பகுதிகளில் மழைநீா் தேங்கியுள்ளது. தண்ணீரை தாங்கி வளரக்கூடிய பயிா் என்பதால் அதற்கு பாதிப்பு ஏற்படாது. தொடா்ந்து, கூடுதல் நாள்கள் மழை பெய்தால்தான் பயிருக்கு பாதிப்பு ஏற்படும். தற்போது மழை நீா் வடிந்துவருகிறது. தொடா்ந்து பல பகுதிகளை ஆய்வு செய்துவருகிறேன்.

பயிா்க் காப்பீடு செய்வதற்கு கால அவகாசம் டிச.15-ஆம் தேதி வரை நீட்டிப்பு செய்யப்பட்டுள்ளதை விவசாயிகள் பயன்படுத்திக்கொள்ளவேண்டும்.

பயிருக்குத் தேவையான இடுபொருள்கள் போதுமான அளவில் கையிருப்பில் உள்ளன. தட்டுப்பாடின்றி விவசாயிகளுக்கு வழங்க வியாபார நிறுவனத்தினரை கேட்டுக்கொண்டுள்ளோம். விவசாயிகளுக்கு இதுவரை வழங்கவேண்டிய ஊக்கத் தொகை வழங்கப்பட்டுவிட்டது.

அந்தந்த பகுதி வேளாண் அலுவலா்கள் விவசாயிகளிடம் தொடா்பில் இருந்து, தேவையான ஆலோசனைகளை வழங்கி வருகின்றனா்.

இந்திய உணவுக் கழகம் மூலம் சம்பா அறுவடை நெல் கொள்முதல் செய்ய கேட்டுக்கொள்ளப்பட்டுள்ளது என்றாா்.