``உடற்பயிற்சி செய்தாலும், நீண்ட நேரம் உட்கார்ந்தால் இதய நோய் வரலாம்'' - ஆய்வில் தகவல்!
Admin
- 5 hours ago
நீண்ட நேரம் அமர்ந்திருப்பவர்கள் உடற்பயிற்சி செய்தாலும் இதய நோய் ஏற்படுவதற்கான வாய்ப்புகள் அதிகம் என சமீபத்திய ஆய்வுகள் கண்டறிந்துள்ளன.
மருத்துவர் எஸிம் அஜுபோ (Ezim Ajufo) பாஸ்டனைச் சேர்ந்த இதவியல் நிபுணர். இவரது ஆய்வில் நாம் ஆரோக்கியமாக வாழ்வதற்காக டயட், உடற்பயிற்சிகளை மேற்கொண்டாலும் நாள் முழுவதும் அமர்ந்திருப்பது இதயநோய்களை உண்டாக்கக்கூடும் எனக் கண்டறிந்துள்ளார். "நாம் உடல் ரீதியான செயல்பாடுகளை மேற்கொள்வதில்லை என்றாலும் கூட நீண்ட நேரம் அமர்ந்திருப்பதையாவது குறைக்க வேண்டும்" என்கிறார் எஸிம் அஜிம்ஃபோ.
ஜர்னல் ஆஃப் அமெரிக்கன் காலேஜ் ஆஃப் கார்டியாலஜி என்ற இதழில் இந்த ஆய்வு வெளியாகியிருக்கிறது. 90,000 பேரிடம் ஆக்செலோமீட்டர்கள் பொருத்தி அவர்கள் அமர்ந்திருக்கும் போதும், பிற வேலைகள் செய்யும்போதும் ஏற்படும் உடலியல் மாற்றங்களை வைத்து ஆய்வு மேற்கொண்டுள்ளனர்.
நீண்ட நேரம் அமர்ந்திருப்பது உடலுக்கு நல்லதல்ல என்ற கருத்து பொதுவாக இருக்கிறது. ஆனால் என்னென்ன பிரச்னைகள் எதனால் ஏற்படுகின்றன என்பதை துல்லியமாக அறிய முடியவில்லை. மேலும் ஒரு நாளில் எவ்வளவு நேரம் அமர்ந்திருப்பது மோசமானது என்பதை விளக்கும், வழிகாட்டு நெறிமுறைகளும் இல்லை. இதனால் இந்த தளத்தில் இன்னும் அதிக ஆய்வுகள் மேற்கொள்ளப்படவேண்டும் என நிபுணர்கள் தெரிவித்துள்ளனர்.
முதற்கட்ட ஆய்வுகளில் தோராயமாக 10 மணிநேரத்துக்கும் மேல் அமர்ந்திருப்பது மோசமான விளைவுகளை ஏற்படுத்தும் என்கின்றனர்.
மனித உடல் நீண்டநேரம் நின்றபடி வேலை செய்யும் வகையில் பரிமாண வளர்ச்சி அடைந்துள்ளது. உங்கள் இதயமும் இதயமண்டலும் நிற்கும்போதுதான் சிறப்பாக செயல்படும். குடலும் செரிமான மண்டலமும் அவ்வாறே. நீங்கள் உடல் ரீதியாக சுறுசுறுப்பாக இருக்கும்போது உங்கள் ஒட்டுமொத்த ஆற்றலும், உடலின் சகிப்புத்தன்மையும் அதிகரிக்கும்.
ஆனால் உட்கார்ந்தே இருக்கும் வாழ்க்கைமுறை உடல் ஆரோக்கியத்துக்கு தீங்கானது. நீண்ட நேரம் அமர்வது இதயநோய்கள், நீரிழிவுநோய், கழுத்து, தோல்பட்டை வலி, கணுக்கால் வீக்கம், கால் நரம்பு தொடர்பான பிரச்னைகள் ஆகியவற்றை ஏற்படுத்தும்.
எந்த வேலை செய்தாலும் நீண்ட நேரம் அமர்ந்திருப்பது மன நலனை பாதிக்கக்கூடியது.
நீங்கள் விரும்பி படித்த தொடர்கள், இப்போது ஆடியோ வடிவில்... புத்தம் புதிய விகடன் ப்ளே... உங்கள் அன்றாட பணிகளை கவனித்துக் கொண்டே ரசித்து கேட்க, உடனே இன்ஸ்டால் செய்யுங்கள்...
