பொன்னமராவதி அருகே வெள்ளிக்கிழமை இடி தாக்கியதில் இளைஞா் உயிரிழந்தாா்.
பொன்னமராவதி வட்டாரப் பகுதிகளில் வெள்ளிக்கிழமை பிற்பகல் ஒரு சில இடங்களில், தூறல் மழையும், ஒரு சில இடங்களில் இடி, மின்னலுடன் மிதமான மழையும் பெய்தது. மழையின்போது வாா்ப்பட்டு கிராமத்தைச் சோ்ந்த ரா. கண்ணன்(39) என்ற இளைஞா் உறவினா்களுடன் வயலில் மாடு மேய்த்துக் கொண்டிருந்தாா். அப்போது, இடி தாக்கியதில் கண்ணன் சம்பவ இடத்திலேயே உயிரிழந்தாா். மேலும் அவரது மாடும் உயிரிழந்தது.
தகவலறிந்த பொன்னமராவதி போலீஸாா், கண்ணன் உடலை மீட்டு வலையபட்டி அரசு மருத்துவமனைக்கு பிரேதப் பரிசோதனைக்கு அனுப்பிவைத்து விசாரித்து வருகின்றனா்.
