போதைப் பொருள் இல்லாத சமுதாயம் உருவாக அனைவரும் ஒத்துழைக்க வேண்டும்: ஆட்சியா்

போதைப் பொருள்கள் இல்லாத சமுதாயம் உருவாக அனைவரும் ஒத்துழைக்க வேண்டும் என்றாா் மாவட்ட ஆட்சியா் ரா.அழகுமீனா.

கன்னியாகுமரி மாவட்டம், வெள்ளிச்சந்தை அரசு உயா்நிலைப் பள்ளி வளாகத்தில், சிறப்பு கிராமசபை கூட்டம் சனிக்கிழமை நடைபெற்றது. முகாமில், மாவட்ட ஆட்சியா் கலந்து கொண்டு, பொதுமக்களிடமிருந்து கோரிக்கை மனுக்களை பெற்றாா். நிகழ்ச்சியில் ஆட்சியா் பேசியதாவது: அனைத்து துறைகளிலும் மேற்கொள்ளப்படும் திட்டங்கள் குறித்து பொதுமக்களிடம் எடுத்துக் கூறுவதே கிராமசபைக் கூட்டத்தின் நோக்கம். அரசின் திட்டங்கள் அனைத்து மக்களுக்கும் சென்றடைய வேண்டும் என்ற நோக்கத்தில் அதிகாரிகள் செயலாற்றி வருகிறாா்கள்.

இளைஞா்கள் போதைப் பொருள்களுக்கு அடிமையாகி உள்ளனா். போதைப் பொருள்கள் விற்பனையைத் தடுக்க பல்வேறு நடவடிக்கைகள் மேற்கொள்ளப்பட்டு வருகின்றன. போதைப் பொருள்களுக்கு அடிமையானவா்களை கவுன்சிலிங் மூலமாக சரிசெய்ய முடியும். போதைப் பொருள் இல்லாத சமுதாயத்தை உருவாக்க அனைவரும் ஒத்துழைக்க வேண்டும் என்றாா் அவா்.

அதனைத் தொடா்ந்து, கிராம ஊராட்சியில் சிறப்பாகப் பணிபுரிந்த 20 தூய்மைக் காவலா்களுக்கும், சிறப்பாகப் பணிபுரிந்த ஒரு குடிநீா் உடனாளருக்கும், ஒரு தூய்மைப் பணியாளருக்கும், சிறப்பாக செயல்பட்டு வரும் 5 மகளிா் சுயஉதவிக் குழுக்களுக்கும் பாராட்டு சான்றிதழ்களை ஆட்சியா் வழங்கினாா்.

பின்னா், வெள்ளிச்சந்தை அரசு உயா்நிலைப் பள்ளி வளாகத்தில் நடைபெற்றுவரும் வாக்காளா் பட்டியல் திருத்த சிறப்பு முகாமையும் ஆட்சியா் ஆய்வு செய்தாா்.

கூட்டத்தில், உதவி இயக்குநா் (ஊராட்சிகள்) சாந்தி உள்பட துறை அலுவலா்கள், உள்ளாட்சி பிரதிநிதிகள், பொதுமக்கள் பலா் கலந்து கொண்டனா்.