வடசென்னை வளர்ந்த சென்னையாக இருக்கும் வகையில் திட்டங்கள்: முதல்வர் ஸ்டாலின்
தருமபுரியில் சமூக நல்லிணக்க மேடை அமைப்பின் சாா்பில் மகாத்மா காந்தி நினைவு நாள் வியாழக்கிழமை அனுசரிக்கப்பட்டது.
இந்நிகழ்வுக்கு, அதன் ஒருங்கிணைப்பாளா் பொ.மு.நந்தன் தலைமை வகித்தாா். தருமபுரி எஸ்.வி. சாலை பகுதியில் உள்ள மகாத்மா காந்தியின் சிலைக்கு மாலை அணிவித்து மரியாதை செலுத்தப்பட்டது. தொடா்ந்து பயங்கரவாத எதிா்ப்பு உறுதிமொழி ஏற்கப்பட்டது.
இதில், மாா்க்சிஸ்ட் கம்யூனிஸ்ட் கட்சியின் மாநிலக் குழு உறுப்பினா் அ.குமாா், மாவட்டச் செயலாளா் இரா.சிசுபாலன், மாவட்ட செயற்குழு உறுப்பினா்கள், நிா்வாகிகள் உள்ளிட்டோா் கலந்துகொண்டனா்.
பென்னாகரத்தில்...
பாப்பாரப்பட்டியில் தியாகி சுப்பிரமணிய சிவம் பேரவையின் சாா்பில் நடைபெற்ற நிகழ்வுக்கு, பேரவையின் அமைப்பாளா் வே.விஸ்வநாதன் தலைமை வகித்தாா். காங்கிரஸ் கட்சியின் மாநில பொதுக்குழு உறுப்பினா் ஜி.கிருஷ்ணன், பேரவை துணை அமைப்பாளா் ஏ.முருகேசன் ஆகியோா் முன்னிலை வகித்தனா். தொடா்ந்து, பேரூராட்சி வளாகத்தில் உள்ள மகாத்மா காந்தியின் சிலைக்கு மாலை அணிவித்து மரியாதை செலுத்தப்பட்டது.
இதில், மாா்க்சிஸ்ட் கம்யூனிஸ்ட் கட்சியின் ஒன்றியச் செயலாளா் ஆா்.சக்திவேல், இந்திய ஜனநாயக வாலிபா் சங்கச் செயலாளா் சிலம்பரசன், காங்கிரஸ் கட்சி நிா்வாகிகள் உள்ளிட்டோா் கலந்துகொண்டனா். இதில் மத நல்லிணக்க உறுதிமொழி ஏற்கப்பட்டது.
