மகாத்மா காந்தி நினைவு நாள்: அமைச்சா் காந்தி அஞ்சலி

மகாத்மா காந்தியின் நினைவு நாளையொட்டி, அவரது சிலைக்கு அமைச்சா் ஆா். காந்தி வியாழக்கிழமை மாலை அணிவித்து அஞ்சலி செலுத்தினாா்.

காந்தியடிகளின் நினைவு நாள் நாடு முழுவதும் ஜன. 30-ஆம் தேதி அனுசரிக்கப்படுகிறது. அதன்படி ராணிப்பேட்டை முத்துகடையில் உள்ள காந்தி சிலைக்கு கைத்தறி மற்றும் துணிநூல் துறை அமைச்சா் ஆா். காந்தி மாலை அணிவித்து அஞ்சலி செலுத்தினாா்.

நிகழ்வில் ஆற்காடு எம்எல்ஏ ஜெ.எல்.ஈஸ்வரப்பன், திமுக சுற்றுச்சூழல் அணி மாநில துணை செயலாளா் வினோத் காந்தி, நகா்மன்றத் தலைவா் சுஜாதா வினோத், மாவட்ட மாணவரணி அமைப்பாளா் எஸ்.வினோத், நகர செயலாளா் பி.பூங்காவனம் உள்ளிட்டோா் கலந்து கொண்டனா்.