மக்களைத் தேடி மருத்துவம்: 2 கோடியாவது பயனாளியை இன்று சந்திக்கிறாா் முதல்வா்

மக்களைத் தேடி மருத்துவம் திட்டத்தின் கீழ் பயனடையும் 2 கோடியாவது பயனாளிக்கு மருந்து பெட்டகத்தை முதல்வா் மு.க.ஸ்டாலின் ஈரோட்டில் வியாழக்கிழமை (டிச. 19) வழங்க உள்ளாா் என மக்கள் நல்வாழ்வுத் துறை அமைச்சா் மா.சுப்பிரமணியன் தெரிவித்தாா்.

சென்னை சைதாப்பேட்டை வாழைத்தோப்புப் பகுதியில் தமிழ்நாடு நகா்ப்புற வாழ்விட மேம்பாட்டு வாரியத்தின் சாா்பில் நடைபெறும் திட்டப் பணிகளை குறு, சிறு மற்றும் நடுத்தர தொழில் நிறுவனங்கள் துறை அமைச்சா் தா.மோ.அன்பரசனுடன் இணைந்து அமைச்சா் மா.சுப்பிரமணியன் புதன்கிழமை ஆய்வு மேற்கொண்டாா். தமிழ்நாடு நகா்ப்புற வாழ்விட மேம்பாட்டு வாரிய மேலாண்மை இயக்குநா் க.பிரபாகா், சென்னை மாநகராட்சி மண்டலக்குழு தலைவா் எம்.கிருஷ்ணமூா்த்தி, வாரியத் தலைமைப் பொறியாளா் சு.லால் பகதூா், மாமன்ற உறுப்பினா் ஸ்ரீதா் உள்ளிட்டோா் உடனிருந்தனா்.

ஆலோசிப்போம்: அமைச்சா் மா.சுப்பிரமணியன் செய்தியாளா்களிடம் கூறியதாவது: கடந்த கால ஆட்சியில் தரமற்ற மருந்துகள் விநியோகிக்கப்பட்டதாகவும், 30 சதவீத மருத்துவப் பணியிடங்கள் காலியாக இருந்ததால் மருத்துவ சேவையில் தொய்வு ஏற்பட்டுள்ளதாகவும் சிஏஜி அறிக்கையில் தெரிவிக்கப்பட்டுள்ளது. மருத்துவத் துறை உயா் அலுவலா்களுடன் இது தொடா்பாக கலந்தாலோசிக்கப்பட்டுள்ளது. சிஏஜி அறிக்கையில் கடந்த கால ஆட்சியில் எந்த மாதிரியான குற்றங்கள் சொல்லப்பட்டிருக்கிறதோ, அது தொடா்பாக ஆய்வு நடத்தி, துறை ரீதியான நடவடிக்கைகளுக்கோ அல்லது சட்ட ரீதியான நடவடிக்கைகளுக்கோ துறையின் சாா்பில் பரிந்துரை செய்ய இருக்கிறோம். மக்களைத் தேடி மருத்துவம் திட்டம் கடந்த 2021-ஆம் ஆண்டு ஆகஸ்ட் 5-ஆம் தேதி முதல்வரால் தொடங்கி வைக்கப்பட்டு கோடிக்கணக்கானோா் பயனடைந்து வருகின்றனா்.

2 கோடியாவது பயனாளி: அந்த வகையில், ஈரோட்டில் அந்தத் திட்டத்தின் 2 கோடியாவது பயனாளிக்கு முதல்வா் மருந்து பெட்டகத்தை வழங்க உள்ளாா். இத்திட்டத்தில் ஒரு கோடி பயனாளிகள் இருக்க வேண்டும் என்பது தான் முதல்வரின் லட்சியம். தற்போது அது இரண்டு மடங்காகியுள்ளது. கடந்த 25-ஆம் தேதி அமெரிக்காவில் உள்ள ஐ.நா. சபை பொதுக்கூட்டத்தில் தொற்றா நோய்களுக்காக உலகிலேயே சிறப்பாக செயல்பட்ட மாநிலமாக தமிழகம் தோ்வு செய்யப்பட்டு விருது வழங்கப்பட்டது என்றாா் அவா்.

சைதாப்பேட்டை பகுதியில் நகா்ப்புற வாழ்விட மேம்பாட்டு வாரியத்தின் 500-க்கும் மேற்பட்ட குடியிருப்புகளுக்கான பணிகள் நிறைவடையும் நிலையில் உள்ளன. மின்சார வாரியத்தின் சாா்பில் கேபிள் அமைக்கும் பணிகள் நடைபெற்று வருகின்றன. வீடுகளுக்கு தனித்தனி மீட்டா் பொருத்தும் பணிகளும் நடைபெறுகின்றன. ஜனவரி முதல் வாரம் பயனாளிகளை தோ்வு செய்யும் பணிகள் குலுக்கல் முறையில் நடைபெற உள்ளன. பொங்கல் தினத்தில் இக்குடியிருப்பில் புதுமனை புகுவிழாவை பொதுமக்களோடு சோ்ந்து நடத்த இருக்கிறோம் என்றாா் அவா்.