ஃபென்ஜால் புயலால் பாதிக்கப்பட்டவா்களுக்கு முறையாக நிவாரணம் வழங்க வலியுறுத்தி, அதிமுக சாா்பில் விழுப்புரத்தில் டிச. 21-இல் ஆா்ப்பாட்டம் நடைபெறும் என்று அக் கட்சியின் பொதுச் செயலா் எடப்பாடி பழனிசாமி அறிவித்துள்ளாா்.
இதுதொடா்பாக அவா் புதன்கிழமை வெளியிட்ட அறிக்கை: ஃபென்ஜால் புயலால் பெய்த கனமழையின்போது, எவ்வித முன்னறிவிப்பும் இன்றி நள்ளிரவில் திடீரென சாத்தனூா் அணையில் இருந்து 1.68 லட்சம் கன அடி நீரை திறந்துவிட்டதால் ஏற்பட்ட திடீா் வெள்ளப்பெருக்கால் மக்கள் வாழ்வாதாரங்களை இழந்து தவிக்கும் நிலை உள்ளது. பாதிக்கப்பட்ட மக்களுக்கு உரிய நிவாரணம் வழங்கப்படவில்லை. பாதிக்கப்பட்ட பயிா்களுக்காக விவசாயிகளுக்கு உரிய இழப்பீடும் வழங்கப்படவில்லை.
இதைக் கண்டித்தும், பாதிக்கப்பட்ட மக்களுக்கு உரிய நிவாரண உதவிகளை வழங்க வலியுறுத்தியும் அதிமுக சாா்பில், முன்னாள் அமைச்சா் சி.வி.சண்முகம் தலைமையில் விழுப்புரம் மாவட்ட ஆட்சியா் அலுவலகம் எதிரில் டிச. 21 காலை 10 மணியளவில் ஆா்ப்பாட்டம் நடைபெறும்.
ஆா்ப்பாட்டத்தில் அதிமுகவினரும், விவசாயிகளும், பொதுமக்களும் பெருந்திரளாகப் பங்கேற்க வேண்டும் என்று அவா் கூறியுள்ளாா்.
