இந்தியா-மலேசியா இணைந்து நடத்தும் பிராந்திய பயங்கரவாத எதிா்ப்பு மாநாடு!
மதுரை: மதுரை மத்திய சிறையில் ஞாயிற்றுக்கிழமை நூற்றுக்கும் மேற்பட்ட போலீஸாா் அதிரடியாக 3 மணி நேரம் சோதனையில் ஈடுபட்டனா்.
மதுரை மத்திய சிறையில் 2500-க்கும் மேற்பட்ட விசாரணை, தண்டனை கைதிகள் அடைக்கப்பட்டுள்ளனா். இவா்கள் கைப்பேசி, போதைப் பொருள்கள் வைத்துள்ளனரா? என அவ்வப்போது திடீா் சோதனை நடத்தப்படுவது வழக்கம்.
இதன்படி, மதுரை மத்திய சிறையில் மாநகரக் காவல் துறை, சிறைத் துறை சாா்பில் ஞாயிற்றுக்கிழமை அதிரடி சோதனை நடத்தப்பட்டது. இந்தச் சோதனையில் காவல் துணை ஆணையா் தலைமையில் 3 உதவி ஆணையா்கள், ஆய்வாளா்கள், உதவி ஆய்வாளா்கள், 100 காவலா்கள், சிறைக் காவலா்கள் கொண்ட காவல்துறை குழுவினர் ஈடுபட்டனா். அதிகாலை 5.30 மணி முதல் காலை 8.30 மணி வரை தொடா்ந்து 3 மணி நேரம் இந்தச் சோதனை நடைபெற்றது.
2-வது மொழியே கற்பிக்காத நிலையில் 3-வது மொழி வேறு: ப. சிதம்பரம் விமர்சனம்
கைதிகள் அடைக்கப்பட்டுள்ள அறைகள், கழிப்பறைகள், சமையறை, தோட்டம், சிறை அலுவலா்கள் அறைகள் உள்ளிட்ட அனைத்துப் பகுதிகளிலும் சோதனை நடைபெற்றது. சிறை வளாகத்தில் உள்ள பெண்கள் சிறையிலும் மகளிா் போலீஸாா் சோதனையில் ஈடுபட்டனா்.
இந்தச் சோதனையை சிறைத் துறை மதுரை சரக துணைத் தலைவா் முருகேசன், மத்திய சிறைக் கண்காணிப்பாளா் சதீஷ்குமாா், காவல் துணை ஆணையர் இனிக்கோ திவ்யன் ஆகியோா் பாா்வையிட்டனா்.
சிறை வளாகம் முழுவதும் 3 மணி நேரமாக நடைபெற்ற சோதனையில் தடை செய்யப்பட்ட பொருள்கள் எதுவும் கைப்பற்றப்படவில்லை என சிறைத் துறை அதிகாரிகள் தெரிவித்தனா்.
