தேனி: 40 ஏக்கர் வெங்காயத்தாமரையை அகற்றி, கண்மாயை மீட்டெடுத்த மாவட்ட நிர்வாகம் -ச...
நாமக்கல் மாவட்டத்தில் மதுவிலக்கு போலீஸாரால் பறிமுதல் செய்யப்பட்ட வாகனங்கள் புதன்கிழமை (நவ.27) ஏலத்தில் விடப்படுகின்றன.
இதுகுறித்து மாவட்ட காவல் கண்காணிப்பாளா் ச.ராஜேஸ்கண்ணன் வெளியிட்ட செய்திக் குறிப்பு:
கள்ளச்சாராய விற்பனை, கடத்தல் தொடா்பாக, மதுவிலக்கு போலீஸாரால் பறிமுதல் செய்யப்பட்ட வாகனங்கள் ஏலம் புதன்கிழமை காலை 10 மணிக்கு மாவட்ட ஆயுதப்படை மைதானத்தில் நடைபெற உள்ளது.
இதில், ஒரு நான்கு சக்கர வாகனம், 24 இரு சக்கர வாகனங்கள் என மொத்தம் 25 வாகனங்கள் ஏலம் விடப்படுகின்றன. மாவட்ட காவல் கண்காணிப்பாளா், மதுவிலக்கு பிரிவு கூடுதல் கண்காணிப்பாளா், ஆய்வாளா் ஆகியோரது முன்னிலையில் நடைபெறும் இந்த ஏலத்தில் வாகனங்களை ஏலம் எடுக்க விரும்புவோா் செவ்வாய்க்கிழமை காலை 10 முதல் மாலை 5 மணி வரை வாகனங்களைப் பாா்வையிடலாம்.
ஏலத்தில் பங்கேற்க விரும்புவோா் புதன்கிழமை காலை 9 மணிக்கு ரூ. 5 ஆயிரத்தை முன்பணமாக செலுத்த வேண்டும். வாகனத்தை ஏலம் எடுத்தோா் ஜிஎஸ்டி வரியை முழுமையாகச் செலுத்திவிட்டு தங்களுக்கான வாகனங்களை கொண்டு செல்லலாம் என அதில் தெரிவிக்கப்பட்டுள்ளது.
