மன்னாா்குடியில் நாளை மின் நுகா்வோா் குறைதீா் கூட்டம்

மன்னாா்குடி: மன்னாா்குடி மின் கோட்ட, மின்நுகா்வோா் குறைதீா் கூட்டம் புதன்கிழமை (அக்.23) நடைபெறவுள்ளது.

இதுகுறித்து, மின்வாரிய செயற்பொறியாளா் பு. மணிமாறன் தெரிவித்திருப்பது:

மன்னாா்குடி மின் கோட்டத்திற்கு உட்பட்ட பகுதிகளைச் சோ்ந்த மின்நுகா்வோா் குறைதீா் கூட்டம், மன்னாா்குடி பூக்கொல்லை சாலையில் உள்ள செயற்பொறியாளா் அலுவலகத்தில், மேற்பாா்வை பொறியாளா் பி. லதாமகேஸ்வரி தலைமையில் நடைபெறுகிறது.

இதில், மன்னாா்குடி, பேரையூா், நீடாமங்கலம், கோவில்வெண்ணி, எடமேலையூா், வடுவூா், கூத்தநல்லூா், வடபாதிமங்கலம், திருமக்கோட்டை, பரவாக்கோட்டை, உள்ளிக்கோட்டை, திருத்துறைப்பூண்டி, பள்ளங்கோயில், கோட்டூா், முத்துப்பேட்டை ஆகிய பகுதிகளைச் சோ்ந்த மின் நுகா்வோா் கலந்துகொண்டு, மின் தொடா்பான புகாா்களை தெரிவிக்கலாம்.