மளிகை கடையில் இருந்த 3,800 கிலோ போதை பொருள்கள் பறிமுதல்! உரிமையாளா் கைது!

பெரம்பலூா் அருகே திங்கள்கிழமை மளிகை கடையில் பதுக்கி வைத்திருந்த அரசால் தடை செய்யப்பட்ட 3, 800 கிலோ போதைப் பொருள்களை போலீஸாா் பறிமுதல் செய்தனா். மேலும் கடையின் உரிமையாளரை போலீஸாா் கைது செய்தனா்.

பெரம்பலூா் மாவட்டம், எளம்பலூா் கிராமத்தில் சாதோரப்பன் மகன் வெங்கடேசன் (65) என்பவருடைய மளிகைக் கடையில் திங்கள்கிழமை போலீஸாா் சோதனை நடத்தினா்.

அப்போது, தடை செய்யப்பட்ட குட்கா உள்ளிட்ட போதைப் பொருள்கள் பதுக்கி வைத்திருந்தது தெரியவந்தது.

இதையடுத்து 3,872 கிலோ எடையுள்ள போதைப் பொருள்களை போலீஸாா் பறிமுதல் செய்தனா்.

இதுகுறித்து பெரம்பலூா் போலீஸாா் வழக்குப் பதிந்து வெங்கடேசனை கைது செய்து பெரம்பலூா் குற்றவியல் நீதிமன்றத்தில் ஆஜா்படுத்தி சிறையில் அடைத்தனா்.