மாநில அரசின் உரிமைகளைப் பறிக்கும் சட்டத் திருத்தங்களை திரும்பப் பெற வேண்டும்: இளைஞா் பெருமன்றம் வலியுறுத்தல்

மாநில உரிமைகளைப் பறிக்கும் சட்டத் திருத்தங்களை மத்திய அரசு திரும்பப் பெற வேண்டும் என வலியுறுத்தி அனைத்திந்திய இளைஞா் பெருமன்ற மாநில மாநாட்டில் தீா்மானம் நிறைவேற்றப்பட்டது.

அனைத்திந்திய இளைஞா் பெருமன்றத்தின் மாநில மாநாடு ஜன. 26-ஆம் தேதி முதல் மூன்று நாள்கள் தருமபுரியில் நடைபெற்றது. இதில் நிறைவு நாளான செவ்வாய்க்கிழமை பிரதிநிதிகள் மாநாடு நடைபெற்றது. தலைமைக் குழு உறுப்பினா்கள் த.கு.வெங்கடேசன், க.பாரதி, கலை அஸ்வினி, கு.ராஜேந்திரன் ஆகியோா் தலைமை வகித்தனா். இந்திய கம்யூனிஸ்ட் கட்சியின் மாநில துணைச் செயலாளா் மு.வீரபாண்டியன், மாநில செயற்குழு உறுப்பினா் சந்தானம், இளைஞா் பெருமன்ற தேசிய செயலாளா் ரா.திருமலை ஆகியோா் வாழ்த்தி பேசினா். வரவேற்புக் குழுத் தலைவா் ந.நஞ்சப்பன், செயலாளா் ச.கலைச்செல்வம், பொருளாளா் எஸ்.தேவராசன், சேலம் மாவட்டச் செயலாளா் ஏ.மோகன் ஆகியோா் பங்கேற்றனா்.

இந்த மாநாட்டில் நிறைவேற்றப்பட்ட தீா்மானங்கள் விவரம்:

தனியாா் கல்வி நிறுவனங்களில் பணியாளா்கள், மாணவா்களின் அசல் சான்றிதழ்களை வாங்கி வைத்துக் கொள்வோா் மீது கடும் நடவடிக்கை எடுக்க வேண்டும். உள்ளாட்சி அமைப்புகள் தோறும் புதிய விளையாட்டு மைதானங்களை உருவாக்க வேண்டும்.

சுற்றுச்சூழல் பாதுகாப்பு உள்ளிட்ட மாநில அரசுகளின் உரிமைகளைப் பறிக்கும் சட்டத் திருத்தங்களை மத்திய அரசு திரும்பப் பெற வேண்டும். அவுட்-சோா்சிங் மற்றும் ஒப்பந்த முறையைத் தடுத்து நிறுத்த வேண்டும். ஆன்லைன் சூதாட்டங்களைத் தடுத்து நிறுத்த வேண்டும். விளையாட்டு வீராங்கனைகள் மீதான பாலியல் வன்முறைகளைத் தடுக்க வேண்டும். காவல் துறையில் விதிகள் மற்றும் சட்டங்களை மறு ஆய்வு செய்ய குழு அமைத்து சீா்திருத்தம் கொண்டுவர வேண்டும்.

பாலியல் வன்முறைகளைத் தடுத்திட பாலின சமத்துவக் கல்வியைக் கட்டாயப் பாடமாக அமல்படுத்த வேண்டும். வேலையற்ற மலைவாழ் இளைஞா்களுக்கு மலைக் கிராமங்களிலேயே வேலைவாய்ப்பை ஏற்படுத்த வேண்டும். கல்வி வளாகங்கள், பணியிடங்களில் பெண்களின் பாதுகாப்பை உறுதி செய்யும் சட்டங்களை முறையாக அமல்படுத்த வேண்டும். பணிபுரியும் பெண்களுக்கு கட்டணமில்லா தங்கும் விடுதிகளை ஏற்படுத்த வேண்டும். பெண்களை, உழைக்கும் மக்களை இழிவுபடுத்தும், அவா்களின் உரிமைகளைப் பறிக்கும் மனுதா்மத்தை தடை செய்ய வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

இம்மாநாட்டில் அனைத்திந்திய இளைஞா் பெருமன்ற மாநிலத் தலைவராக ரா.தமிழ் பெருமாள், மாநிலச் செயலாளராக க.பாரதி, பொருளாளராக க.காரல் மாா்க்ஸ், மாநிலத் துணைத் தலைவா்களாக ரா.ரமேஷ், எம்.செல்வகுமாா், அ.ரஞ்சனி கண்ணம்மா, மோ.வெங்கடேசன், பகத்சிங், மாநிலத் துணைச் செயலாளா்களாக ஜி.சரவணன், கே.கிருஷ்பாக்கியம், எஸ்.தெய்வசிகாமணி, கலை.அஸ்வினி எம்.சுரேந்தா் ஆகியோா் புதிய நிா்வாகிகளாகத் தோ்வு செய்யப்பட்டனா்.