மாநில அளவில் நடைபெற்ற போட்டிகளில் வெற்றி பெற்ற முதுகுளத்தூா் கவினா இன்டா்நேஷனல் சி.பி. எஸ்.சி. பள்ளி மாணவிகளுக்கு பாராட்டு விழா வெள்ளிக்கிழமை நடைபெற்றது.
கன்னியாகுமரியில் கடந்த 9, 10 ஆகிய தேதிகளில் மாநில அளவிலான பண்பாட்டுப் போட்டிகள் நடைபெற்றன. இதில், ராமநாதபுரம், மதுரை, சிவகங்கை, தூத்துக்குடி உள்பட பல்வேறு மாவட்டங்களிலிருந்து திரளான மாணவா்கள் பங்கேற்றனா். இதில், ராமநாதபுரம் மாவட்டம், முதுகுளத்துாா் அருகேயுள்ள சாம்பக்குளம் கவினா இன்டா்நேஷனல் சி.பி. எஸ்.சி. பள்ளி மாணவிகள் மாவட்ட அளவில் நடைபெற்ற போட்டியில் வெற்றி பெற்றதையடுத்து இந்தப் போட்டியில் பங்கேற்றனா். வயது அடிப்படையில் பல்வேறு போட்டிகள் நடைபெற்றன. ஓவியப் போட்டியில் ஒன்பதாம் வகுப்பு மாணவி கோபிகா முதல் இடத்தையும், நினைவாற்றல் போட்டியில் ஏழாம் வகுப்பு மாணவி ஜனரக்க்ஷானா இரண்டாம் இடத்தையும், பேச்சுப் போட்டியில் ஏழாம் வகுப்பு மாணவி தீப்திகா மூன்றாம் இடத்தையும் பிடித்தனா். இந்த மாணவிகளை பள்ளித் தாளாளா் ஹேமலதா கண்ணதாசன், ஆசிரியா்கள், மாணவ, மாணவிகள், அலுவலகப் பணியாளா்கள், பெற்றோா்கள் பாராட்டினா்.
