மின்சாரம் பாய்ந்து தொழிலாளி உயிரிழப்பு

பெரியகுளம் அருகே மேல்மங்கலத்தில் குழாய் பதிக்கும் பணியில் ஈடுபட்டிருந்த தொழிலாளி மின்சாரம் பாய்ந்து வியாழக்கிழமை உயிரிழந்தாா்.

குள்ளப்புரம், நல்லமணி நகரைச் சோ்ந்தவா் முருகன் மகன் முத்துப்பாண்டி (21). மேல்மங்கலம் பகுதியில் குழாய் பதிக்கும் பணியில் ஈடுபட்டிருந்த முத்துப்பாண்டி, பொக்லைன் இயந்திரத்திலிருந்து குழாயை இறக்கும் போது, மின் கம்பி மீது குழாய் உரசியதில் மின்சாரம் பாய்ந்து மயங்கி விழுந்தாா். ஆபத்தான நிலையில் தேனி அரசு மருத்துவக் கல்லூரி மருத்துவமனைக்கு கொண்டு செல்லும் வழியில் அவா் உயிரிழந்தாா்.

இதுகுறித்து பொக்லைன் இயந்திர ஓட்டுநா் குள்ளப்புரம், யாதவா் தெருவைச் சோ்ந்த கோபாலகிருஷ்ணன்(29) என்பவா் மீது ஜெயமங்கலம் காவல் நிலைய போலீஸாா் வழக்குப் பதிந்து விசாரிக்கின்றனா்.