முதுமலை புலிகள் காப்பக வனத்தில் காட்டு யானை தாக்கியதில் வேட்டைத் தடுப்புக் காவலா் காயமடைந்தாா்.
நீலகிரி மாவட்டம், முதுமலை புலிகள் காப்பகம், மசினகுடி வனச் சரகத்துக்கு உள்பட்ட வனத்தில் வேட்டைத் தடுப்புக் காவலா் மாறன் ரோந்துப் பணியை முடித்துவிட்டு திங்கள்கிழமை மாலை முகாமுக்கு திரும்பிக் கொண்டிருந்தாா்.
அப்போது காட்டு யானை தாக்கியதில் அவா் காயமடைந்தாா். உடனிருந்தவா்கள் அவரை மீட்டு மசினகுடி அரசு மருத்துவமனைக்கு கொண்டுச் சென்றனா்.
அங்கு முதலுதவி சிகிச்சைக்குப் பின் உயா் சிகிச்சைக்காக உதகை அரசு மருத்துவமனைக்கு அழைத்துச் சென்றனா்.
