ரயில் நிலையத்தில் வழிப்பறி: இருவா் கைது

மதுரை ரயில் நிலையத்தில் ஒப்பந்த ஊழியரிடம் வழிப்பறியில் ஈடுபட்ட இருவரை ரயில்வே போலீஸாா் ஞாயிற்றுக்கிழமை கைது செய்தனா்.

மதுரை ரயில் நிலையத்தில் ஒப்பந்த ஊழியராக பணிபுரிந்து வருபவா் மோகன்ராஜா (42). இவா் சனிக்கிழமை அதிகாலையில் மதுரை ரயில் நிலையத்துக்கு பணிக்கு வந்தாா். ரயில் நிலையத்தில் நடைமேடை எண் 5-இல் வந்தபோது, அங்கு இருளில் நின்றிருந்த இருவா், மோகன்ராஜாவை வழிமறித்து, கத்தியைக் காட்டி மிரட்டி, அவரது கைப்பேசி, கைக்கடிகாரம், வெள்ளிச் சங்கிலி, ஆயிரம் ரூபாயை பறித்துக் கொண்டு தப்பினா்.

இதையடுத்து, மோகன்ராஜா சப்தமிட்டதையடுத்து, அருகே தேநீா் விற்றுக் கொண்டிருந்த ஊழியா்கள் ரமேஷ், செந்தில் ஆகியோா் ஓடி வந்து, அவா்களைப் பிடிக்க முயன்றனா்.

அவா்களிடமும் கத்தியைக் காட்டி மிரட்டிவிட்டு இருவரும் தப்பிச் சென்றனா். இதுதொடா்பாக புகாரின்பேரில், ரயில்வே போலீஸாா் வழக்குப் பதிவு செய்து அந்தப் பகுதியில் உள்ள சிசிடிவி கேமரா காட்சிகளை ஆய்வு செய்தனா்.

அப்போது, வழிப்பறியில் ஈடுபட்டது, மதுரை பழங்காநத்தம் பசும்பொன் நகா் சேதுபதி தெருவைச் சோ்ந்த பாண்டியராஜா (45), வினோத் (36) என்பது தெரிய வந்தது. இதையடுத்து போலீஸாா், வழிப்பறியில் ஈடுபட்ட இருவரையும் ஞாயிற்றுக்கிழமை கைது செய்தனா்.