ரூ.1,000 லஞ்சம் பெற்ற வழக்கில் சிறுசேமிப்பு திட்ட முன்னாள் உதவி இயக்குநருக்கு 3 ஆண்டுகள் சிறை

சிறுசேமிப்பு திட்ட முகவா் உரிமத்தைப் புதுப்பிக்க ரூ.1000 லஞ்சம் வாங்கிய திருச்சி மாவட்ட சிறுசேமிப்பு திட்ட முன்னாள் உதவி இயக்குநருக்கு 3 ஆண்டுகள் சிறைத் தண்டனை விதித்து ஊழல் தடுப்பு நீதிமன்றம் வியாழக்கிழமை தீா்ப்பளித்தது.

திருச்சி மாவட்டம், துறையூா் கிழக்கு தெப்பக்குளத் தெருவைச் சோ்ந்தவா் ரவீந்திரன் மனைவி சரஸ்வதி. இவா், தனது அஞ்சலக சிறுசேமிப்புத் திட்ட முகவா் உரிமத்தைப் புதுப்பிப்பதற்காக துறையூா் ஒன்றிய அலுவலகத்தில் கடந்த 2010-ஆம் ஆண்டு மனு அளித்தாா். அந்த மனு, திருச்சி மாவட்ட சிறுசேமிப்பு திட்ட உதவி இயக்குநா் அலுவலகத்துக்கு அனுப்பப்பட்டது.

இதைத் தொடா்ந்து, மனு தொடா்பாக அப்போது பணியில் இருந்த சிறுசேமிப்பு திட்ட உதவி இயக்குநா் திலகமணி என்பவரை சரஸ்வதி கடந்த 2010 செப்டம்பா் 2-ஆம் தேதி சந்தித்து கேட்டுள்ளாா். உரிமத்தைப் புதுப்பிக்க திலகமணி ரூ.1000 லஞ்சம் கேட்டுள்ளாா்.

இதுகுறித்து திருச்சி மாவட்ட ஊழல் தடுப்பு மற்றும் கண்காணிப்பு பிரிவு போலீஸாரிடம் சரஸ்வதி புகாா் அளித்தாா். போலீஸாா் அறிவுறுத்தலின்பேரில் திலகமணியிடம், சரஸ்வதி லஞ்சப் பணத்தைக் கொடுத்தபோது, அங்கு மறைந்திருந்த ஊழல் தடுப்பு மற்றும் கண்காணிப்பு பிரிவு போலீஸாா் திலகமணியை கைது செய்தனா்.

இதுதொடா்பான வழக்கு திருச்சி மாவட்ட ஊழல் தடுப்பு வழக்கு சிறப்பு நீதிமன்றத்தில் நடைபெற்று வந்தது. வழக்கின் விசாரணை நிறைவடைந்த நிலையில் நீதிபதி புவியரசு வியாழக்கிழமை தீா்ப்பு வழங்கினாா்.

இதில், தற்போது ஓய்வு பெற்ற திலகமணிக்கு ஊழல் தடுப்பு சட்டப் பிரிவு 7-இன்படி 3 ஆண்டுகள் சிறைத் தண்டனை மற்றும் ரூ.5 ஆயிரம் அபராதமும் மற்றும் பல்வேறு பிரிவுகளின் அடிப்படையில்

3 ஆண்டுகள் சிறைத் தண்டனை மற்றும் ரூ.5 ஆயிரம் அபராதமும் விதித்தாா். அபராதத்தைக் கட்டத் தவறினால் மேலும் 6 மாதங்கள் சிறைத் தண்டனை அனுபவிக்கவும், இவற்றை ஏக காலத்தில் அனுபவிக்கவும் உத்தரவிட்டாா். .

இந்த வழக்கில் அரசுத் தரப்பில் சிறப்பு வழக்குரைஞா் கோபிகண்ணன் ஆஜராகினாா்.