செய்திகள் :

வட கொரியாவுடன் நவீன தொழில்நுட்பங்களைப் பகிர்ந்துகொள்ள ரஷியா ஆயத்தம் -அமெரிக்கா

post image

சியோல்(தென் கொரியா): தென் கொரியாவுக்கு சுற்றுப்பயணம் மேற்கொண்டுள்ள அமெரிக்க வெளியுறவு அமைச்சர் ஆண்டனி பிளிங்கன் விண்வெளித்துறை சார் நவீன தொழில்நுட்பங்களைப் பெறுவதில் வட கொரியா ரஷியாவுடன் இணைந்து நெருக்கமாகப் பணியாற்றி வருவதாக தெரிவித்துள்ளார்.

தென் கொரியாவில் அதிபர் பதவியிலிருந்து நீக்கப்பட்டுள்ள யூன் சுக் இயோலை கைது செய்ய தீவிரமாக நடவடிக்கைகள் மேற்கொள்ளப்பட்டு வருகின்றன. அங்கு முன்னாள் அதிபர் யூன் சுக் இயோலுக்கு எதிராகப் போராட்டங்களும் நடைபெற்று வருகின்றன. தென் கொரியாவில் அசாதாரண சூழல் நிலவும் நிலையில், அமெரிக்க வெளியுறவுச் செயலர் ஆண்டனி பிளிங்கன் தென் கொரியாவுக்கு சுற்றுப்பயணம் மேற்கொண்டுள்ளார்.

இந்த நிலையில், இன்று(ஜன. 6) தென் கொரிய எல்லையைத் தாண்டி வட கொரியா ஏவுகணை சோதனையில் ஈடுபட்டு அதிர்ச்சியளித்துள்ளது.

இதனிடையே, தென் கொரிய வெளியுற அமைச்சர் சோ தே-யுல்லும், ஆண்டனி பிளிங்கனும் இணைந்து திங்கள்கிழமை(ஜன. 6) கூட்டாக செய்தியாளர்களுடன் பேசியபோது வட கொரியாவின் ஏவுகணை சோதனைக்கு கண்டனம் தெரிவித்தனர். அதேபோல, அமெரிக்கா, தென் கொரியாவுக்கு மிக நெருக்கமாகப் பணியாற்றி வரும் ஜப்பானும் வட கொரியாவுக்கு கண்டனம் தெரிவித்துள்ளது.

உக்ரைனுடனான சண்டையில் ரஷியாவுக்கு வட கொரியா அளித்து வரும் உதவிக்கு சன்மானமாக, ரஷியா வட கொரியாவுக்கு அளித்துவரும் ஆதரவை மேலும் ஒருபடி அதிகரித்திருப்பதாக ஆண்டனி பிளிங்கன் தென் கொரியாவில் தெரிவித்தார். “வட கொரியா ஏற்கெனவே ரஷியாவிடமிருந்து ராணுவ உபகரணங்களைப் பெற்று வருகிறது. மேலும், ராணுவப் பயிற்சியையும் பெறுகிறது. இந்த நிலையில், வட கொரியாவுக்கு விண்வெளி துறை சார் செயற்கைக் கோள் தொழில்நுட்ப பயிற்சி அளிக்க ரஷியா ஆயத்தமாகி வருகிறது” என்று அவர் தெரிவித்துள்ளார்.

தென் கொரியாவின் இடைக்கால அதிபராக உள்ள அந்நாட்டின் பிரதமர் சோஇ சங்-மோக்கையும் சந்தித்து பிளிங்கன் பேச்சுவார்த்தை நடத்தினார். அப்போது, அமெரிக்காவுடனான தங்கள் நாட்டு உறவை வலுப்படுத்த தேவையான பங்களிப்பை அளிக்க தயாராக இருப்பதாக தென் கொரிய அதிபர் மாளிகை உறுதியளித்துள்ளது.

கிரீன்லாந்து மீது அமெரிக்கா ராணுவ நடவடிக்கை? டொனால்ட் டிரம்புக்கு பிரான்ஸ் எச்சரிக்கை!

அமெரிக்க அதிபராகப் பதவியேற்கவிருக்கும் டொனால்ட் டிரம்புக்கு பிரான்ஸ் அதிபர் இம்மானுவேல் மேக்ரான் எச்சரிக்கை விடுத்துள்ளது உலக அரசியலில் பரபரப்பை ஏற்படுத்தியுள்ளது. ‘கிரீன்லாந்து’ தீவு விவகாரத்தில் அமெ... மேலும் பார்க்க

கனடாவின் அடுத்த பிரதமர் ஒரு தமிழ்ப் பெண்!! யார் இவர்?

கனடாவின் அடுத்த பிரதமராக தமிழக வம்சாவளியைச் சேர்ந்த அனிதா ஆனந்த் (வயது 57) தேர்வாக வாய்ப்புள்ளது.தற்போது கனடாவின் போக்குவரத்துத் துறை அமைச்சராக இருக்கும் அனிதா ஆனந்த்தின் தந்தை தமிழகத்தைச் சேர்ந்தவர்,... மேலும் பார்க்க

ஷேக் ஹசீனாவின் விசாவை நீட்டித்தது இந்தியா

வங்கதேசத்திலிருந்து தப்பி வந்த அந்நாட்டின் முன்னாள் பிரதமர் ஷேக் ஹசீனாவை, நாடு நடத்துமாறு வங்கதேசத்திலிருந்து வலியுறுத்தப்படும் நிலையில், அவரது விசா காலத்தை இந்தியா நீட்டித்துள்ளது. மேலும் பார்க்க

டிரம்ப் பதவியேற்கும்போது அரைக் கம்பத்தில் கொடி பறக்கும்! ஏன்?

அமெரிக்க அதிபராகத் தேர்வு செய்யப்பட்டிருக்கும் டொனால்ட் டிரம்ப், ஜனவரி 20ஆம் தேதி அதிபராகப் பதவியேற்கும்போது, அந்நாட்டு தேசியக் கொடி அரைக்கம்பத்தில் பறந்துகொண்டிருக்கும்.முன்னாள் அமெரிக்க அதிபர், மறைந... மேலும் பார்க்க

கனடாவை அமெரிக்காவுடன் இணைக்க வாய்ப்பில்லை: ஜஸ்டின் ட்ரூடோ!

கனடாவை அமெரிக்காவுடன் இணைக்க வாய்ப்பில்லை என்று கனடா முன்னாள் பிரதமர் ஜஸ்டின் ட்ரூடோ தெரிவித்துள்ளார்.அமெரிக்க அதிபராகத் தேர்ந்தெடுக்கப்பட்டுள்ள டொனால்ட் டிரம்ப், அமெரிக்காவின் ராணுவ மற்றும் வர்த்தக ஏ... மேலும் பார்க்க

லாஸ் ஏஞ்சலஸில் காட்டுத் தீ: 30,000 பேர் வெளியேற்றம்!

லாஸ் ஏஞ்சல்ஸ் மலைப்பகுதிகளில் ஏற்பட்ட தீவிபத்தில் சிக்கிய 30,000 பேர் வெளியேற்றப்பட்டுள்ளனர்.தெற்கு கலிபோர்னியாவில் ஏற்பட்டுள்ள கடுமையான காட்டுத் தீ லாஸ் ஏஞ்சலஸின் மலைப்பகுதிகளில் வேகமாகப் பரவி வருகிற... மேலும் பார்க்க