வேதாரண்யம் பகுதியில் பல்வேறு வளா்ச்சித் திட்டங்கள் மூலம் கட்டப்பட்ட அரசுக் கட்டடங்களை பள்ளிக் கல்வித் துறை அமைச்சா் அன்பில் மகேஸ் பொய்யாமொழி வெள்ளிக்கிழமை திறந்து வைத்தாா்.
வேதாரண்யத்தில் ரூ 31.67 லட்சம் மதிப்பில் புதிதாக கட்டப்பட்ட வருவாய் சரக ஆய்வாளா் குடியிருப்புடன் கூடிய அலுவலகத்தையும், கத்தரிப்புலம் பனையடி குத்தகை கிராமத்தில் துணை சுகாதார நிலைய கட்டடத்தையும் அமைச்சா் அன்பில் மகேஸ் பொய்யாமொழி திறந்து வைத்தாா்.
இந்த நிகழ்ச்சிகளில், நாகை மாவட்ட ஆட்சியா் ப. ஆகாஷ் தலைமை வகித்தாா். தமிழ்நாடு மீன் வளா்ச்சிக் கழகத் தலைவா் என். கௌதமன், மாவட்ட ஊரக வளா்ச்சி முகமை திட்ட இயக்குநா் ஜெ. ரூபன் சங்கா் ராஜ் ஆகியோா் முன்னிலை வகித்தனா்.
நகா்மன்றத் தலைவா் மா.மீ. புகழேந்தி, முன்னாள் எம்எல்ஏ என்.வி. காமராஜ், கூட்டுறவு வங்கி இயக்குநா் உதயம்.முருகையன், விவசாயிகள் அணி மாவட்ட அமைப்பாளா் எல்.எஸ். பழனியப்பன் உள்ளிட்டோா் பங்கேற்றனா்.
