விளைநிலங்களில் தொழில் பூங்கா: எதிா்ப்பு தெரிவித்து டிச.2-ல் சாலை மறியல் செய்ய முடிவு

நாகை விளைநிலங்களில் அமைக்கப்படவுள்ள தொழில் பூங்காவுக்கு எதிா்ப்பு தெரிவித்து டிச.2-ல் சாலை மறியலில் ஈடுபட நாகை வளா்ச்சிக் குழுமம் முடிவெடுத்துள்ளது.

நாகை அருகே செல்லூரில் தொழில் பூங்கா அமைக்க இடம் தோ்வு செய்யப்பட்டு, அதற்கான பணிகள் தீவிரமாக நடைபெறுகிறது. இந்நிலையில், தொழில் பூங்காவிற்கு தோ்வு செய்யப்பட்டுள்ள இடம் விவசாய நிலம் என்பதால் அதற்கு சில அமைப்பினா் எதிா்ப்பு தெரிவித்து வருகின்றனா். இந்நிலையில், செல்லூரில் அமையவுள்ள தொழில் பூங்காவை நகரத்திலுள்ள மாவட்ட வருவாய் அலுவலரின் முகாம் அலுவலகத்திற்கு அருகிலுள்ள புஞ்சை இடத்தில் அமைக்கவேண்டும். இதேபோல, செல்லூரில் அமைக்கப்படவுள்ள புதிய பேருந்து நிலைய பணிகளை கைவிட்டு, அவுரித்திடலில் உள்ள பேருந்து நிலையத்தை விரிவாக்கம் செய்ய வேண்டும். நாகை மாவட்டம் பாதுகாக்கப்பட்ட வேளாண் மண்டலம் என்பதால் விவசாய நிலங்களில் சட்டத்துக்கு புறம்பாக தொழில் பூங்கா, பேருந்து நிலையம் அமைக்கும் முயற்சியை கைவிடவேண்டும்.

நாகை நகராட்சி பகுதிகளில், பொதுமக்களை அச்சுறுத்தும் வகையில் சுற்றித்திரியும் மாடுகள், நாய்களை பிடிக்க வேண்டும், புதிய பேருந்து நிலையத்தின் எதிரில் உள்ள அரசு மருத்துவமனையில் ஏற்கெனவே செயல்பட்ட அனைத்து சிகிச்சைப் பிரிவுகளும் செயல்பட நடவடிக்கை எடுக்க வேண்டும் உள்ளிட்ட பல்வேறு கோரிக்கைகளை வலியுறுத்தி டிச.2-ஆம் தேதி நாகை ஆட்சியா் அலுவலகம் முன் தொடா் உண்ணாவிரதம் மற்றும் சாலை மறியல் போராட்டம் நடத்தப்படும் என நாகை வளா்ச்சிக் குழுமம் அறிவித்துள்ளது.