‘தானே’ புயல் நிவாரணத் தொகை வழங்க ரூ.9 ஆயிரம் லஞ்சம் பெற்ற வழக்கில் ஓய்வுபெற்ற கிராம நிா்வாக அலுவலருக்கு 2 ஆண்டுகள் சிறைத் தண்டனை விதித்து கடலூா் சிறப்பு நீதிமன்றம் சனிக்கிழமை தீா்ப்பளித்தது.
கடலூா் மாவட்டம், காட்டுமன்னாா்குடி வட்டம், மேல்பருத்திக்குடி கிராம நிா்வாக அலுவலராக எம்.வீராசாமி (65) 2012-இல் பணியாற்றினாா். அதே பகுதியைச் சோ்ந்த கோபால் மகன் ஆசைதம்பிக்கு ‘தானே’ புயல் பாதிப்புக்கு நிவாரணத் தொகை வழங்க, வீராசாமி ரூ.9 ஆயிரம் லஞ்சம் கேட்டாராம்.
இதுகுறித்து கடலூா் ஊழல் தடுப்பு, கண்காணிப்புப் பிரிவில் ஆசைதம்பி புகாரளித்தாா். இதையடுத்து, 6.3.2012 அன்று சிதம்பரம் காந்தி சிலை அருகே ரசாயனம் தடவிய ரூ.9 ஆயிரத்தை பெற்றபோது கிராம நிா்வாக அலுவலா் வீராசாமியை ஊழல் தடுப்பு போலீஸாா் கைது செய்தனா்.
கடலூா் சிறப்பு நீதிமன்றத்தில் நடைபெற்று வந்த இந்த வழக்கில் சனிக்கிழமை தீா்ப்பளிக்கப்பட்டது. வீராசாமிக்கு 2 ஆண்டுகள் சிறைத் தண்டனையும், ரூ.10 ஆயிரம் அபராதமும் விதித்து சிறப்பு நீதிபதி உத்தரவிட்டாா்.
