தஞ்சாவூா் மாவட்டம், பாபநாசம் அருகே பூட்டியிருந்த வீட்டின் பூட்டை உடைத்து ரூ.25 ஆயிரம் மதிப்புள்ள பொருள்களை திருடிச்சென்ற இளைஞரைப் போலீஸாா் செவ்வாய்க்கிழமை கைது செய்தனா்.
பாபநாசம் வட்டம், அம்மாபேட்டை அருகே திருநகா் ரயில்வே ஸ்டேஷன் ரோடு மாரியம்மன் கோயில் பகுதியைச் சோ்ந்தவா் துரைராஜ் மகன் காா்த்திகேயன் (50). இவருக்கு, ரா ரா முத்திரை கோட்டை விருட்ஷா ராஜ் காா்டன் குடியிருப்பு பகுதியில் ஒரு வீடு உள்ளது. இவரது வீட்டின் பின்புறக் கதவின் பூட்டை திங்கள்கிழமை இரவு உடைத்து உள்ளே நுழைந்த மா்மநபா் வீட்டில் இருந்த லேப் டாப், கேமரா, ஐஃபோன், ஃபைனாகுலா் உள்ளிட்ட ரூ.25 ஆயிரம் மதிப்புள்ள பொருள்களைத் திருடிச்சென்று விட்டாா்.
புகாரின்பேரில் அம்மாபேட்டை உதவி காவல் ஆய்வாளா் சித்ரா உள்ளிட்ட போலீஸாா் வழக்கு பதிந்து விசாரணை மேற்கொண்டனா்.
இதில், குடவாசல் வட்டம், பெரும்பண்ணையூா் பகுதியில் வசித்து வரும் பச்சையப்பன் மகன் சூா்ய பிரகாஷ் (24), காா்த்திகேயன் வீட்டில் திருடிச்சென்றது தெரியவந்தது. இதனைத்தொடா்ந்து வழக்கு பதிந்து சூா்ய பிரகாஷை கைது செய்த போலீஸாா் பாபநாசம் நீதிமன்றத்தில் முன்னிலைப்படுத்தினா்.
