வீட்டுக்குள் நுழைந்து பெண்ணிடம் நூதன முறையில் 2 பவுன் நகை திருட்டு

வாணியம்பாடியில் தனியாக இருந்த பெண்ணை ஏமாற்றி வீட்டுக்குள் நுழைந்து, நூதன முறையில் 2 பவுன் தங்க நகையை திருடிச் சென்ற மா்ம பெண்ணை போலீஸாா் தேடி வருகின்றனா்.

திருப்பத்தூா் மாவட்டம், வாணியம்பாடி பெரியப்பேட்டை பகுதியைச் சோ்ந்தவா் கலைச்செல்வி. வியாழக்கிழமை பிற்பகல் வீட்டில் தனியாக இருந்துள்ளாா். அப்போது வீட்டுக்குள் வந்த மா்ம பெண், கலைச்செல்வியிடம் பேச்சு கொடுத்து, அவரது மருமகள், குழந்தை பெயா்களைக் கூறி, தனக்கு நன்றாக தெரியும் என்று கூறியதை நம்பி, அமர வைத்து காபி போட சமையலறைக்கு சென்றாராம். அப்போது அறைக்குள் நுழைந்து மா்ம பெண் பீரோவில் இருந்த 2 பவுன் தங்க நகையை திருடிக் கொண்டு அங்கிருந்து தப்பித்து சென்றுள்ளாா். சிறிது நேரம் கழித்து வீட்டுக்கு வந்த மருமகளிடம், அவரது தோழி வந்து கேட்டு சென்ாகக் கூறியுள்ளாா். எனக்கு அதுபோல் யாரும் தோழி இல்லை எனக் கூறவே சந்தேகம் ஏற்பட்டு, அறைக்குள் சென்று பாா்த்துள்ளாா். அப்போது, பீரோ திறந்த நிலையிலும், அதிலிருந்த 2 பவுன் தங்க நகை திருட்டு போயிருப்பதும் தெரியவந்தது.

தகவலறிந்து வாணியம்பாடி டிஎஸ்பி விஜயகுமாா், நகர காவல் ஆய்வாளா் அன்பரசி, உதவி காவல் ஆய்வாளா் ராமமூா்த்தி மற்றும் போலீஸாா் சம்பவ இடத்துக்குச் சென்று விசாரணை மேற்கொண்டனா். வீட்டில் நுழைந்து நூதன முறையில் நகையை திருடிச் சென்ற மா்ம பெண்ணை தேடி வருகின்றனா்.