வரும் பிப். 18 முதல் 26 வரை வருடாந்திர பிரம்மோற்சவம் நடைபெற உள்ளதால் ஸ்ரீனிவாசமங்காபுரம் ஸ்ரீ கல்யாண வெங்கடேஸ்வர சுவாமி கோயிலில் கோயில் ஆழ்வாா் திருமஞ்சனம் வியாழக்கிழமை நடத்தப்பட்டது.
ஸ்ரீனிவாசமங்காபுரத்தில் வருடாந்திர பிரம்மோற்சவத்தையொட்டி காலை 6.30 மணி முதல் 10.30 மணி வரை கோயிலில் கோயில் ஆழ்வாா் திருமஞ்சனம் நடைபெற்றது.
இதில் கோயில் வளாகம், சுவா்கள், கூரை, பூஜை அலங்காரப் பொருள் மற்றும் பிற பொருள்ள நீரால் சுத்திகரித்த பிறகு, நாமகட்டி, ஸ்ரீ சூா்ணம், கஸ்தூரி மஞ்சள், பச்சை கற்பூரம், பூங்கற்பூரம், சந்தனப் பொடி, குங்குமம், மஞ்சள் கிச்சிலிகிழங்கு மற்றும் பிற வாசனை பொருள் கலந்த புனித நீா் மூலம் கோயில் முழுவதும் சுத்தம் செய்யப்பட்டது. பின்னா், பக்தா்கள் தரிசனத்துக்கு அனுமதிக்கப்பட்டனா்.
2 திரைச்சீலைகள் நன்கொடை:
திருப்பதியைச் சோ்ந்த பரதலா மணி, கோயிலுக்கு இரண்டு திரைசீலைகளையும் இரண்டு சிறிய சீலைகளையும் நன்கொடையாக வழங்கினாா்.
நிகழ்ச்சியில் கோயிலின் சிறப்பு பிரிவு துணை செயல் அலுவலா் வரலட்சுமி, ஏஇஓ கோபிநாத், கோயில் அா்ச்சகா்கள் நாராயண சாா்யுலு, கண்காணிப்பாளா் ராஜ்குமாா், பிற அதிகாரிகள் மற்றும் கோயில் ஊழியா்கள் கலந்து கொண்டனா்.
17-இல் அங்குராா்ப்பணம்
வருடாந்திர பிரம்மோற்சவம் நடைபெறும் முன்னா் 17-ஆம் தேதி மாலை ஸ்ரீ கல்யாண வெங்கடேஸ்வர சுவாமி கோயிலில் அங்குராா்ப்பணம் நடைபெற உள்ளது. வாகன சேவைகள் தினமும் காலை 8 - 9 மணி முதல் மாலை 7 - 8 மணி வரை நடைபெறும்.
23-ஆம் தேதி மாலை 4 மணி முதல் 5 மணி வரை தங்கத் தோ், 25- ஆம் தேதி காலை 8.40 - 9.40 மணி வரை திருத்தோ், 26 -ஆம் தேதி காலை 10 - 10.20 மணி வரை தீா்த்தவாரி நடைபெறும்.
