பராமரிப்பு பணிகள் - வரும் 17ம் தேதி புறநகர் மின்சார ரயில் சேவையில் மாற்றம்
ஹரியாணா மாநிலத்தில் உள்ள ஒரு எருமை 1500 கிலோ எடையில் இருக்கிறதாம். நாள்தோறும் இதற்கு உலர் பழங்கள், 20 முட்டைகள் வழங்கப்படுகிறது.
இந்தியா முழுவதும் நடைபெற்று வரும் வேளாண்துறை கண்காட்சியில் பல்வேறு வகையான கால்நடைகள் பங்கேற்கும் நிலையில் இதுபோன்ற கொழு கொழு மாடுகள் எப்போதும் தனிக்கவனம் பெறுவது வழக்கம்.
அந்த வகையில், அன்மோல் என பெயரிடப்பட்டிருக்கும் இந்த எருமைமாடு கிட்டத்தட்ட 1500 கிலோ எடையில் இருக்கிறது.
தற்போது, இதன் உடல் எடையை விட, அதன் சொகுசு வாழ்க்கைதான் தற்போது சமூக வலைதளங்களில் பேசுபொருளாகியிருக்கிறது. இதன் உரிமையாளர் கில், இதற்காக நாள்தோறும் ரூ.1500 செலவிட்டு உணவளித்து வருகிறார். உணவு என்றால், ஏதோ எருமைகள் சாப்பிடும் வைக்கோல், பிண்ணாக்கு என்று நினைக்க வேண்டாம்.. சாரி..
அதன் நாள்தோறும் உணவு முறை வெளியிடப்பட்டுள்ளது. அதன்படி, 250 கிராம் பாதாம், 30 வாழைப்பழம், 4 கிலோ மாதுளை, 5 கிலோ பால், 20 முட்டைதான் இதன் அன்றாட உணவாம். இன்னும் உடல் எடையை அதிகரிக்க ஆயில் கேக், நெய், சோயாபீன்ஸ், சோளம் போன்றவையும் சிறப்பான உணவாக்கப்பட்டு வழங்கப்படுமாம்.
இந்த அன்மோல், எப்போதும் வேளாண் கண்காட்சி, கால்நடை கண்காட்சிகளில் பங்கேற்பதற்காக என்று வளர்க்கப்பட்டு வருகிறது. ஏதேனும் கால்நடை போட்டியென்றால், அன்மோலை எந்த எருமையாலும் வெல்ல முடியாதாம்.
ஒவ்வொரு நாளும் இரண்டு முறை குளிப்பாட்டி, அதற்கென அழகிய கூடாரம் அமைத்துப் பார்த்துக்கொள்ளப்படுகிறது. இதற்கெல்லாம் பணம் எங்கே இருந்து வருகிறது என்றால், அன்மோலின் தாய் மற்றும் சகோதரியும் இப்படியே வளர்க்கப்பட்டு கோடியில் விற்கப்பட்டதாகவும் கூறப்படுகிறது. அது மட்டுமல்லாமல், அன்மோலின் விந்துவுக்கு பயங்கர தேவை இருப்பதால் அதுவும் விற்பனை செய்யப்படுகிறதாம். இந்த வகையில் மட்டும் 4-5 லட்சம் மாதந்தோறும் வருவாய் ஈட்டப்படுகிறதாம்.
தற்போது விற்பனைக்கு கொண்டு வந்தால் அன்மோல் மதிப்பு ஜஸ்ட் ரூ.23 கோடி மட்டுமே என்கின்றன தகவல்கள். ஆனால், உரிமையாளருக்கு இப்போதைக்கு விற்கும் எண்ணமில்லையாம்.
