2025 கிராமி விருதுகளில் அதிக பிரிவுகளில் நாமினேஷன் ஆன கலைஞர்கள் - யார் யார்?

துரைத்துறையில் கொடுக்கப்படும் ஆஸ்கார் விருதுக்கு நிகரானது, இசை துறையை சார்ந்தவர்களுக்கு கொடுக்கப்படும் `கிராமி விருதுகள்’. 2025 ஆம் ஆண்டுக்கான கிராமி விருதுகளுக்கான நாமினேஷன் பட்டியலை தற்போது அறிவித்திருக்கிறது கிராமி விருதுகளுக்கான தேர்வுக் குழு. இதில் அதிக முறை நாமினேசன் செய்யப்பட்ட கலைஞர் பட்டியல் பற்றிய கட்டுரை இது.

பியான்சே (11 நாமினேசன்) :

பியான்சே ஜிசெல் நோல்ஸ் ( பியான்சே)... இவர் அமெரிக்க பாடகியும் நடிகையும் ஆவார். இவர் கிராமி விருதுகளுக்காக அதிக முறை தேர்ந்தெடுக்கப்பட்டவர். 99 நாமினேசன் மற்றும் 32 முறை வெற்றி பெற்று அதிக கிராமி விருதுகளை பெற்ற கலைஞர் இவர். 2025 கிராமி விருதுகளுக்காக 11 நாமினேஷன்களில் இடம் பெற்று அதிக நாமினேசன் பெற்ற கலைஞர் ஆக இருக்கிறார்.

பில்லி ஐலிஸ் (7 நாமினேசன்) :

பில்லி ஐலிஷ் ஓர் அமெரிக்கப் பாடகி மற்றும் பாடலாசிரியர் ஆவார். 22 வயதாகும் இவர் இதுவரை 9 கிராமி விருதுகள் பெற்றுள்ளார். 2025 கிராமி விருதுகளுக்கான 7 பிரிவுகளில் நாமினேஷன் ஆகி உள்ளார்.

சார்லி எக்ஸ்சிஎக்ஸ் (7 நாமினேசன்) :

சார்லி எக்ஸ்சிஎக்ஸ் என அறியப்படும் சார்லோட் எம்மா ஐட்சிசன் ஒரு ஆங்கில பாடகி மற்றும் பாடலாசிரியர் ஆவார். 2025 கிராமி விருதுகளுக்காக 7 பிரிவுகளில் நாமினேஷன் ஆகியுள்ளார்.

போஸ்ட் மலோன் (7 நாமினேசன்கள்) :

போஸ்ட் மலோன் என்று அழைக்கப்படும் ஆஸ்டின் ரிச்சர்ட் போஸ்ட், ஒரு அமெரிக்க ராப்பர், பாடகர், பாடலாசிரியர், இசைப்பதிவு தயாரிப்பாளர் மற்றும் கிட்டார் கலைஞர் ஆவார். இவர் 2025 கிராமி விருதுகளுக்காக 7 பிரிவுகளில் நாமினேசன் ஆகியுள்ளார்.

கென்ட்ரிக் லாமர் ( 7 நாமினேசன்) :

கென்ட்ரிக் லாமர் டக்வொர்த் ஒரு அமெரிக்க ராப்பர் மற்றும் பாடலாசிரியர் ஆவார். இவர் ஏற்கனவே 17 கிராமி விருதுகளை வென்றுள்ளார். 2025 கிராமி விருதுகளுக்காக 7 பிரிவுகளில் நாமினேஷன் ஆகியுள்ளார்.

சப்ரீனா கார்பெண்டர் (6 நாமினேசன்):

சப்ரினா ஆன்லின் கார்பெண்டர் ஒரு அமெரிக்க பாடகி, நடிகை. இவர் டிஸ்னி தொடரான கேர்ள் மீட்ஸ் வேர்ல்டு-ல் நடித்துள்ளார். இவர் 2025 கிராமி விருதுகளுக்காக 6 பிரிவுகளில் நாமினேஷன் ஆகியுள்ளார்.

சாப்பல் ரோன் (6 நாமினேசன்) :

சாப்பல் ரோன் என்று அழைக்கப்படும் கெய்லீ ரோஸ் ஆம்ஸ்டுட்ஸ் ஒரு அமெரிக்க பாடகர் மற்றும் பாடலாசிரியர் ஆவார்.இவர் 2025 கிராமி விருதுகளுக்காக 6 பிரிவுகளில் நாமினேஷன் ஆகியுள்ளார்.

டேலர் ஸ்விஃப்ட் (6 நாமினேசன்) :

டேலர் ஸ்விஃப்ட் அமெரிக்க பாடலாசிரியர், பாடகி, மற்றும் கிடார் கலைஞர் ஆவார். இவர் தற்போது முன்னணி இசைக்கலைஞர்களில் ஒருவர் ஆவார். இவர் இதுவரை 14 முறை கிராமி விருதுகளை வென்றுள்ளார். 2025 கிராமி விருதுகளுக்காக 6 பிரிவுகளில் நாமினேஷன் ஆகியுள்ளார்.

சினிமா விகடனின் பிரத்யேக Whatsapp க்ரூப்

https://chat.whatsapp.com/KzgH8aPb2MI9PVttY53JpX

சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...

உங்கள் வாட்ஸ் அப் மூலமே இணைந்திருங்கள் சினிமா விகடனுடன்...

https://chat.whatsapp.com/KzgH8aPb2MI9PVttY53JpX