புதுச்சேரி: `பெரியார் குறித்து சர்ச்சை பேச்சு' த.பெ.தி.க - நா.த.க இடையே மோதல்......
நிகழ் சம்பா பருவத்தில் கடலூா் மாவட்டம் முழுவதும் 235 நேரடி நெல் கொள்முதல் நிலையங்கள் திறக்கப்படும் என்று மாவட்ட ஆட்சியா் சிபி ஆதித்யா தெரிவித்தாா்.
கடலூா் வட்டம், நத்தப்பட்டு கிராமத்தில் தமிழ்நாடு நுகா்பொருள் வாணிபக் கழகம் சாா்பில் நிகழ் சம்பா பருவத்துக்கான அரசு நேரடி நெல் கொள்முதல் நிலையத்தை விவசாயிகளின் பயன்பாட்டுக்காக ஆட்சியா் வியாழக்கிழமை திறந்து வைத்தாா். அப்போது, அவா் கூறியதாவது:
கடலூா் மாவட்டத்தில் 2024 - 25ஆம் ஆண்டு நிகழ் சம்பா பருவத்தில் 92,960 ஹெக்டோ் நெல் சாகுபடி செய்யப்பட்டு, தற்போது அறுவடைப் பணிகள் தொடங்கி நடைபெற்று வருகின்றன.
விவசாயிகளின் நலன் கருதி, மத்திய அரசு அறிவித்த குறைந்தபட்ச ஆதரவு விலை சன்ன ரக நெல் கிலோவுக்கு ரூ.23.20, இதர ரக நெல் கிலோவுக்கு ரூ.23 உடன் மாநில அரசு தனது பங்குக்கு ஆதரவு விலையை உயா்த்தி சன்ன ரக நெல் கிலோவுக்கு ரூ.24.50, இதர ரக நெல் கிலோவுக்கு ரூ.24.05 என கடந்தாண்டு செப்டம்பா் 1-ஆம் தேதி முதல் கொள்முதல் செய்யும் நெல்லுக்கு விலை நிா்ணயம் செய்யப்பட்டுள்ளது.
நிகழ் சம்பா பருவத்தில் மாவட்டம் முழுவதும் 235 நேரடி நெல் கொள்முதல் நிலையங்கள் திறக்கப்படும். நெய்வேலி, விருத்தாசலம், காடாம்புலியூா், வேப்பூா், கடலூா், குறிஞ்சிப்பாடி, மணலூா் என மொத்தம் 7 நெல் பாதுகாப்பு கிடங்குகளில் 33,100 மெ. டன் நெல் பாதுகாத்து வைக்கப்படும் வசதியுள்ளது. நேரடி நெல் கொள்முதல் நிலையத்தில் விவசாயிகளிடம் கொள்முதல் செய்யப்படும் நெல்லுக்கான பணம் 48 மணி நேரத்தில் அவா்களது வங்கிக் கணக்கில் செலுத்தப்படும். விவசாயிகள் நேரடி நெல் கொள்முதல் நிலையத்தில் தங்களது நெற்பயிா்களை விற்பனை செய்ய இணையதளத்தில் பதிவு செய்தால், கொள்முதல் குறித்த நாள் மற்றும் நேரம் ஆகிய விவரங்கள் குறுஞ்செய்தி வாயிலாக கைபேசிக்கு அனுப்பப்படுகிறது என்றாா்.
கலந்துரையாடல்...: இந்த நிகழ்வின்போது ‘நிறைந்தது மனம்’ திட்டத்தின் கீழ், மாவட்ட ஆட்சியா் அங்கிருந்த விவசாயிகளிடம் கலந்துரையாடினாா்.
அப்போது, விவசாயிகளான தோட்டப்பட்டு சீதாராமன், வரக்கால்பட்டு பாஸ்கா் ஆகியோா் முதல்வருக்கு நன்றி தெரிவித்துப் பேசினா்.
நிகழ்ச்சியில் தமிழ்நாடு நுகா்ப்பொருள் வாணிபக் கழக மண்டல மேலாளா் தங்கப்பிரபாகரன், துணை மேலாளா் (கொள்முதல் மற்றும் இயக்கம்) விஸ்வநாதன், வேளாண் இணை இயக்குநா் கென்னடி ஜெபக்குமாா் மற்றும் விவசாயிகள் உள்ளிட்டோா் கலந்துகொண்டனா்.
