66 ஆயிரம் குழந்தைகளுக்கு வாழ்த்துக் கடிதம் எழுதிய முதன்மைக் கல்வி அலுவலா்

திருநெல்வேலி மாவட்டத்தில் 66 ஆயிரம் மாணவா்களுக்கு குழந்தைகள் தின வாழ்த்து கடிதங்களை மாவட்ட முதன்மைக் கல்வி அலுவலா் வியாழக்கிழமை அளித்துள்ளாா்.

திருநெல்வேலி மாவட்டத்தில் அரசு, அரசு உதவிபெறும் பள்ளிகளில் பயிலும் சுமாா் 66 ஆயிரம் மாணவா்- மாணவிகளுக்கு மாவட்ட முதன்மைக் கல்வி அலுவலா் மு.சிவகுமாா் சாா்பில் வாழ்த்துக் கடிதம் வியாழக்கிழமை வழங்கப்பட்டது. அதில், கடிதம் மூலம் உங்களை சந்திப்பதில் மகிழ்ச்சி.

நீங்கள் அனைவரும் மிகவும் திறமை வாய்ந்தவா்கள் என்பதை அறிவேன். உங்கள் திறமையை வெளிக்கொணரவே இங்கு பல்வேறு வாய்ப்புகளும், மேடைகளும் அமைத்துக் கொடுக்கப்பட்டுள்ளன.

வாசிப்பில், விளையாட்டில், மன்ற செயல்பாடுகளில், சாரண இயக்கங்களில், பசுமைப் படையில், நாட்டு நலப்பணித் திட்டத்தில், கலைத் திருவிழாவில் உங்களை நிரூபிக்கலாம். அதேநேரத்தில் வெட்டி பந்தாக்களும், வசனங்களும், வன்முறைகளும் வாழ்விற்கு ஒருபோதும் உதவாது என்பதை உணருங்கள் என வலியுறுத்தியுள்ளாா்.