சென்னை: போலீஸ் வாகனத்தில் மது அருந்திய சிறப்பு எஸ்.ஐ; வீடியோ வைரலான நிலையில் பணியிடை நீக்கம்!

கைதிகளை நீதிமன்றத்துக்கு அழைத்துச் செல்லும் போலீஸ் வாகனத்தில் பணியிலிருந்த எஸ்.எஸ்.ஐ (சிறப்பு உதவி ஆய்வாளர்) ஒருவர் மது அருந்தும் காணொளி காட்சி சமூக வலைத்தளங்களில் வைரலானது.

அதுகுறித்து விசாரிக்க போலீஸ் உயரதிகாரிகள் உத்தரவிட்டனர். அதன்பேரில் விசாரணை நடத்தியபோது மது அருந்தியது சென்னை பரங்கிமலை ஆயுதப்படையில் பணியாற்றி வரும் லிங்கேஸ்வரன் என்ற எஸ்.எஸ்.ஐ எனத் தெரியவந்தது. இதையடுத்து அவரிடம் போலீஸ் உயரதிகாரிகள் விசாரணை நடத்தினர். அப்போது லிங்கேஸ்வரன் குறித்த சில தகவல்கள் வெளியாகின.

இதுகுறித்து ஆயுதப்படை போலீஸார் கூறுகையில், "சிறைகளில் அடைக்கப்பட்டிருக்கும் கைதிகளை நீதிமன்றத்துக்கு அழைத்துச் சென்றுவிட்டு அவர்களைப் பாதுகாப்புடன் சிறைக்குக் கொண்டு செல்லும் பணிகளை ஆயுதப்படை போலீஸார் மேற்கொள்வார்கள். இந்தப் பணியில் ஆயுதப்படை எஸ்.எஸ்.ஐ லிங்கேஸ்வரன் ஈடுபட்டு வந்தார். அவருடன் சில ஆயுதப்படை காவலர்களும் பணியில் இருப்பார்கள். கைதிகளை போலீஸ் வாகனத்தில் அழைத்துச் செல்லும் போது எஸ்.எஸ்.ஐ லிங்கேஸ்வரன், சீருடையில் இருப்பதில்லை. கைதிகள் சிலருக்கு செல்போனை கொடுத்துப் பேச வைக்கிறார். அதோடு பணி நேரத்திலேயே மது அருந்துகிறார் என்ற தகவல்கள் விசாரணையின்போது தெரியவந்தன. அதுகுறித்து எங்களின் உயரதிகாரிக்கு அறிக்கை கொடுத்தோம். அதன்பேரில் லிங்கேஸ்வரனிடமும் விளக்கம் கேட்கப்பட்டது. அதன் அடிப்படையில்தான் லிங்கேஸ்வரன் இடைநீக்கம் செய்யப்பட்டுள்ளார். இந்த காணொளியை எடுத்தது யார், அதை யார் சமூக வலைத்தளத்தில் பதிவு செய்தது என்றும் விசாரித்து வருகிறோம்" என்றனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்https://bit.ly/3OITqxs

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://bit.ly/3OITqxs