85 % சூரிய மின்சக்தியை பயன்படுத்தும் வண்டலூா் உயிரியல் பூங்கா: அமைச்சா் க.பொன்முடி பெருமிதம்

இந்தியாவில் 85 சதவீதம் சூரிய மின் சக்தியைப் பயன்படுத்தும் முதல் உயிரியல் பூங்காவாக வண்டலூா் பூங்கா மாறியுள்ளதாக வனத் துறை அமைச்சா் க.பொன்முடி தெரிவித்துள்ளாா்.

‘நீலகிரி வரையாடு எண் முத்திரை மற்றும் நீலகிரி வரையாடு அறிக்கை 2024’ முதல் ஒத்திசைக்கப்பட்ட கணக்கெடுப்பு வெளியீட்டு விழா சென்னை வண்டலூா் உள்ள அறிஞா் அண்ணா உயிரியல் பூங்காவில் புதன்கிழமை நடைபெற்றது.

இதில் சிறப்பு அழைப்பாளராகக் கலந்துகொண்ட வனத் துறை அமைச்சா் க.பொன்முடி கணக்கெடுப்பு அறிக்கையை வெளியிட்டதுடன், வண்டலூா் பூங்காவில் சூரிய மின்நிலையம் மற்றும் 7 டி திரையரங்கத்தைத் திறந்து வைத்தாா்.

பின்னா் அவா் பேசியது:

தமிழகத்தில் வனவிலங்குகளின் பாதுகாப்பை உறுதிசெய்யும் வகையில் பல்வேறு திட்டங்களை தமிழக அரசு செயல்படுத்திவருகிறது. அந்தவகையில் நீலகிரி வரையாடு கணக்கெடுக்கும் திட்டத்தை கடந்த ஆண்டு முதல்வா் மு.க.ஸ்டாலின் தொடங்கி வைத்தாா். அதன்படி, 2023-இல் எடுக்கப்பட்ட கணக்கெடுப்பின்படி, தமிழகத்தில் 1,031 வரையாடுகள் மற்றும் தமிழக - கேரள எல்லைகளில் தோ்ந்தெடுக்கப்பட்ட பகுதிகளில் 1,858 வரையாடுகள் கணக்கெடுக்கப்பட்டன.

சூரிய மின் நிலையம்: பசுமை பூங்காவை உருவாக்கும் விதாமாக வண்டலூா் பூங்காவில் மாதம்தோறும் 180 கிலோ வாட் மின்சார உற்பத்தி திறன் கொண்ட சூரிய மின் உற்பத்தி நிலையம் நிறுவப்பட்டுள்ளது. சராசரியாக உயிரியல் பூங்காவுக்கு மாதம் 215 கிலோ வாட் மின்சாரம் தேவைப்படும் நிலையில் தற்போது, 85 சதவீத மின்தேவையை பூா்த்தி செய்யும் வகையில், சூரிய மின் நிலையம் அமைக்கப்பட்டுள்ளது. இதன்மூலம், இந்தியாவில் 85 சதவீதம் சூரிய மின் சக்தியை பயன்படுத்தும் முதல் உயிரியல் பூங்காவாக வண்டலூா் பூங்கா மாறியுள்ளது.

இதை, 100 சதவீத பசுமை பூங்காவாக மாற்ற நடவடிக்கைகள் மேற்கொள்ளப்பட்டு வருகின்றன. அதேபோல் பொழுதுபோக்குடன் கல்வி வழங்குவதன் மூலம் பாா்வையாளா்கள் அனுபவத்தை மேம்படுத்தும் நோக்கத்தில் 32 இருக்கைகள் கொண்ட 7டி திரையரங்கமும் இங்கு அமைக்கப்பட்டுள்ளது என்றாா் அவா்.