Ashwin: "வாழ்க்கை ஒரு வட்டம்னு சொல்லுவாங்க..!" - csk அணியில் இணைந்தது குறித்து அஷ்வின்

ஐபிஎல் மெகா ஏலம் சவுதி அரேபியாவின் ஜெட்டாவில் நடைபெற்று வருகிறது.

நேற்று நடைபெற்ற ஏலத்தில் சென்னை சூப்பர் கிங்ஸ் அணி ஏழு வீரர்களை வாங்கி இருக்கிறது. நூர் அகமது, ரவிச்சந்திரன் அஷ்வின், டெவான் கான்வே, கலீல் அகமது, ரச்சின் ரவீந்திரா, ராகுல் திரிபாதி, விஜய் ஷங்கர் உள்ளிட்ட 7 வீரர்களை சிஎஸ்கே ஏலத்தில் எடுத்திருக்கிறது. இதில் அஷ்வின் மீண்டும் சென்னை அணிக்கு திரும்பியது ரசிகர்களை மகிழ்ச்சியில் ஆழ்த்தி இருக்கிறது.

மேலும் ஆப்கானிஸ்தான் வீரரான நூர் அகமதை ஏலத்தில் எடுத்ததும் ரசிகர்களை ஆச்சரியத்தில் ஆழ்த்தி இருக்கிறது. 10 ஆண்டுகளுக்கு பிறகு அஷ்வின் சென்னை சூப்பர் கிங்ஸ் அணியில் விளையாட இருக்கிறார். இந்நிலையில் சிஎஸ்கே அணியில் மீண்டும் விளையாடுவது குறித்து அஷ்வின் பேசியிருக்கிறார். " வாழ்க்கை ஒரு வட்டம் என சிலர் சொல்வார்கள். சென்னை அணிக்காக கடந்த 2008 முதல் 15 வரை விளையாடியதுதான் எனது கிரிக்கெட் பயணத்திற்கு உதவியாக இருந்தது.

2011ல் ஏலத்தில் எடுக்க போட்டி போட்டதுபோல தற்போதும் நிர்வாகம் செயல்பட்டுள்ளது. 10 வருடங்களுக்கு பிறகு CSK-வுக்கு விளையாடுவது பெருமையாக உள்ளது. தோனி மற்றும் ருதுராஜ் உடன் இணைந்து விளையாட காத்திருக்கிறேன்" என்று நெகிழ்ச்சியாகப் பேசியிருக்கிறார்.

நீங்கள் விரும்பி படித்த தொடர்கள், இப்போது ஆடியோ வடிவில்... புத்தம் புதிய விகடன் ப்ளே... உங்கள் அன்றாட பணிகளை கவனித்துக் கொண்டே ரசித்து கேட்க, உடனே இன்ஸ்டால் செய்யுங்கள்...

https://bit.ly/MaperumSabaithanil