புவனேஸ்வர் குமார், ஹேசில்வுட்டை தட்டித் தூக்கிய ஆர்சிபி! மும்பையில் தீபர் சாஹர்!
தாமதமாகும் கலிபோர்னியா தேர்தல் முடிவுகள்; இந்திய தேர்தல் முறையை பாராட்டிய எலான் மஸ்க்..!
Admin
- 2 hours ago
எலான் மஸ்க் கருத்து
உலகின் பெரும் பணக்காரரும், டொனால்டு ட்ரம்ப் நிர்வாகத்தில், அரசின் செயல்திறன் துறையை நிர்வகிக்கும் பொறுப்பை வகிக்க இருப்பவருமான எலான் மஸ்க், இந்தியாவின் தேர்தல் நடைமுறையை பாராட்டியுள்ளார். இந்தியாவில் ஒரே நாளில் 64 கோடி வாக்குகள் எண்ணப்படுவதாக கூறியுள்ளார். கலிபோர்னியாவில் வாக்கு எண்ணிக்கை முடியாத நிலையில் எலான் மஸ்க் இவ்வாறு கூறியிருக்கிறார்
கடந்த ஜூன் மாதம் எலான் மஸ்க் தனது எக்ஸ் தளத்தில் பதிவு ஒன்றை போட்டார். அதில், “மனிதர்கள் அல்லது ஏஐ மூலம் ஹேக்கிங் அச்சுறுத்தல் இருப்பதால் மின்னணு வாக்குப்பதிவு இயந்திரங்களை ஒழிக்க வேண்டும்” என்று கூறியிருந்தார்.
இந்தியாவில் மின்னணு வாக்குப்பதிவு இயந்திரங்கள் குறித்து எதிர்க்கட்சிகள் தொடர்ச்சியாக சந்தேகம் எழுப்பி வந்த சமயத்தில், எலான் மஸ்க்கின் இந்த கருத்து பரபரப்பாக விவாதிக்கப்பட்டது. எலான் மஸ்க்கின் பதிவுக்கு பதிலளித்த முன்னாள் அமைச்சர் ராஜீவ் சந்திரசேகர், "இந்தியாவில் இவிஎம் இயந்திரங்கள் மிகவும் பாதுகாப்பானவை. வெளியில் இருந்து அதை ஹேக் செய்வது என்பது சாத்தியமற்றது” என்று கூறியிருந்தார்.
அதற்கு பதிலளித்த எலான் மஸ்க், "எதையும் ஹேக் செய்ய முடியும்” என்றார். இவிஎம் இயந்திரத்திற்கு எதிரான எலான் மஸ்க்கின் இந்த கருத்து பெரும் விவாதத்திற்கு உள்ளானது.
அமெரிக்க அதிபர் தேர்தல்
இந்த நிலையில், எலான் மஸ்க் இந்தியாவின் தேர்தல் நடைமுறையை பாராட்டி தனது எக்ஸ் தளத்தில் பதிவிட்டுள்ளார். இந்தியாவில் ஒரே நாளில் 64 கோடி வாக்குகள் எண்ணப்படுவதாக எலான் மஸ்க் கூறியிருகிறார். எலான் மஸ்க் இப்படி கூறியதற்கு காரணம் என்ன என்பது பற்றி பார்ப்போம்.
அமெரிக்காவில் கடந்த 5 ஆம் தேதி அதிபர் தேர்தல் நடைபெற்றது. இந்த தேர்தலில் டொனால்டு ட்ரம்ப் வெற்றி பெற்றார். அமெரிக்காவை பொறுத்தவரை கலிபோர்னியா மாகாணம் அதிக மக்கள் தொகை கொண்டது. இந்த மாகாணத்தில் சுமார் 4 கோடி பேர் வசிக்கிறார்கள். நடந்து முடிந்த அதிபர் தேர்தலில் இங்கு 1.6 கோடி பேர் வாக்களித்து இருந்தனர். இந்த மாகாணத்தில், குடியரசுக் கட்சி முன்னிலையில் உள்ளது.
வாக்கெடுப்பு முடிந்து 29 நாள்களுக்குப் பிறகும் கலிபோர்னியா அதன் அமெரிக்க அதிபர் தேர்தல் முடிவுகளை அதிகாரப்பூர்வமாக அறிவிக்காத நிலையில், தொழிலதிபர் எலான் மஸ்க், இந்தியா லோக் சபா தேர்தலின் போது வெற்றிகரமாக மேற்கொண்ட மாபெரும் வாக்குப்பதிவு செயல்முறைகளுடன் ஒப்பிட்டுப் கருத்து தெரிவித்துள்ளார் . ஒரே நாளில் இந்தியா 640 மில்லியன் வாக்குகளை எண்ணியதாகவும், அதே நேரத்தில் அமெரிக்க அரசு இன்னும் எண்ணிக்கொண்டிருப்பதாகவும் மஸ்க் சுட்டிக்காட்டினார்.
கலிபோர்னியா வாக்கு எண்ணிக்கை...
கலிபோர்னியாவில் 98 சதவீத வாக்குகள் எண்ணப்பட்டு இன்னும் அதிகாரப்பூர்வ அறிவிப்பு நிலுவையில் உள்ள நிலையில், அசோசியேட்டட் பிரஸ் என்ற செய்தி நிறுவனம் வெளியிட்டுள்ள அறிக்கையில், ஜனநாயக கட்சியின் வேட்பாளர் கமலா ஹாரிஸ் 58.6 சதவிகித வாக்குகள் பெற்று வென்றதாகவும், குடியரசு கட்சியின் வேட்பாளர் டொனால்ட் ட்ரம்ப் 38.2 சதவிகித வாக்குகளை பெற்றதாகவும் கூறப்பட்டுள்ளது.
அதிக மக்கள்தொகை கொண்ட கலிபோர்னியாவில் கிட்டத்தட்ட 39 மில்லியன் மக்கள் வசிக்கின்றனர், அவர்களில் 16 மில்லியனுக்கும் அதிகமானோர் நவம்பர் 5-ம் தேதி நடந்த தேர்தலில் பங்கேற்றனர்.
மாநிலத்தில் தேர்தல்கள் முதன்மையாக அஞ்சல் மூலம் நடத்தப்படுகின்றன, நேரில் போடப்பட்ட வாக்குகளுடன் ஒப்பிடும்போது அஞ்சல் வாக்குகளை சரிபார்க்க அதிக நேரமும் முயற்சியும் தேவைப்படுகிறது. ஒவ்வொரு வாக்குச் சீட்டும் தனித்தனியாகச் சரிபார்க்கப்பட்டு செயலாக்கப்பட வேண்டும், இது ஒரு வாக்குச் சாவடியில் ஒரு வாக்குச் சீட்டை ஸ்கேன் செய்வதைக் காட்டிலும் மிகவும் கடினமான செயல்முறையாகும்.
அரசு, டிசம்பர் 1 வரை, வாக்காளர்களின் தவறுகளை சீரமைக்க (cure) அனுமதிக்கிறது. கையொப்பமிட மறந்தது, தவறான இடத்தில் கையொப்பமிட்டது அல்லது சரியான உறையில் வாக்குச்சீட்டை சேர்க்காதது போன்ற தவறுகள் அடங்கும்.
இதற்கிடையில், டொனால்ட் டிரம்ப் 2024 அமெரிக்கத் தேர்தலில் கமலா ஹாரிஸை தோற்கடித்து வெற்றி பெற்றார். டிரம்ப் 2.0 இன் கீழ் புதிய `அரசாங்கத் திறன் துறை’யின் தலைவராக எலான் மஸ்க் பரிந்துரைக்கப்பட்டுள்ளார்.
நீங்கள் விரும்பி படித்த தொடர்கள், இப்போது ஆடியோ வடிவில்... புத்தம் புதிய விகடன் ப்ளே... உங்கள் அன்றாட பணிகளை கவனித்துக் கொண்டே ரசித்து கேட்க, உடனே இன்ஸ்டால் செய்யுங்கள்...
