Basics of Share Market 28: `ஹேமர், ஷூட்டிங் ஸ்டார் என்றால் என்ன... தெரிந்துகொள்வோமா?!’

கேண்டில் ஸ்டிக் பேட்டர்னில் நேற்று மூன்று வகைகள் பார்த்தோம். இன்று இன்னும் இருக்கும் இரண்டு வகைகளை பார்ப்போம்.

ஹேமர்: பெயரில் குறிப்பிட்டிருப்பது போலவே, இது பார்க்க சுத்தியல் மாதிரி இருக்கும். மேலே செவ்வகம் இருக்கும். ஆனால், அதற்கும் கீழ் பெரியதாக கோடு இருக்கும். இதற்கு காரணம், விற்பனை தொடங்கிய உடன் விற்ற ஆரம்ப விலையை காட்டிலும் குறைந்த விலைக்கு பலர் அதை வாங்குகிறார்கள். அப்போது டிமாண்ட் அதிகம் ஆவதால், விற்பனை விலை திடீரென உயர்வது ஆகும்.

ஷூட்டிங் ஸ்டார்: இது ஹேமரை திருப்பி போட்டதுப்போல இருக்கும். அதாவது பங்கு விற்பனையின் ஆரம்ப விலையை விட, இடையில் விற்பனை விலை அதிகமாக இருக்கும்.

இந்த கேண்டில் ஸ்டிக் வகைகளை தெரிந்துகொள்வது மூலம் நாம் சந்தையை புரிந்துகொள்ளலாம். Marubozu பச்சை கேண்டில் ஸ்டிக் வகைகளை எடுத்துகொண்டால், பங்கின் விலை உயர்ந்துகொண்டே போனால், அதற்கு டிமாண்ட் இருக்கிறது என்பதை தெரிந்துகொள்ளலாம். இதுவே சிவப்பு கேண்டில் என்றால் யோசிக்க வேண்டும்.

ஸ்பின்னிங் டாப்பில் பங்கு விற்பனையின் ஆரம்ப விலைக்கும், முடிவு விலைக்கும் பெரிய வித்தியாசம் இல்லை. ஆனால், இடையில் பெரிய விலை மாற்றங்கள் நடந்துள்ளது. அந்த மாற்றம் நல்லதா, கெட்டதா என்பதை ஆராய்ந்து முதலீடு செய்யலாம். இப்படி ஒவ்வொரு வகையும் ஒவ்வொன்றை குறிக்கிறது.

இதை க்ளோஸாக ஆராய்வதன் மூலம் விலை ஏற்றம், இறக்கம், உச்சம் ஆகியவற்றை தெரிந்து முதலீடு செய்யலாம்.

நாளை: கேண்டில் ஸ்டிக் பேட்டர்ன் analaysis-ல் எக்ஸ்பெர்ட் ஆகலாமா?