Pickle Juice: விளையாட்டு வீரர்கள் ஏன் ஊறுகாய் சாறு எடுத்துக்கொள்கிறார்கள் தெரியுமா?

பொதுவாக விளையாட்டு வீரர்கள் ஊறுகாய் சாறு எடுத்துக் கொள்வார்கள். பல விளையாட்டு வீரர்களுக்கு ஊறுகாய் சாறு ஒரு முக்கிய உணவாகிவிட்டது.

எதற்காக இந்த ஊறுகாய் சாற்றை பருகுகிறார்கள்? இது அவர்களுக்கு எவ்வாறு உதவுகிறது? என்பது குறித்து விரிவாக தெரிந்துக்கொள்ளலாம்.

தசைப்பிடிப்புகளை போக்க ஊறுகாய் சாறு விளையாட்டு வீரர்களால் பயன்படுத்தப்படும் ஒரு வழிமுறையாக உள்ளது.

இந்த திரவத்தில் சோடியம் மற்றும் பொட்டாசியம் கொண்ட எலக்ட்ரோலைட்டுகளின் மூலக்கூறுகள் உள்ளன. இது குடிநீரை விட 40 சதவீதம் வேகமாக தசை பிடிப்பை நீக்குவதாக கண்டறியப்பட்டுள்ளது.

ஊறுகாய் சாறு 'நரம்பியல் சமிக்ஞையை' சீர்குலைப்பதன் மூலம் செயல்படுவதாக பிபிசியில் தெரிவிக்கப்பட்டுள்ளது.

ஊறுகாய் சாற்றை விளையாட்டு வீரர்கள் பயன்படுத்தும் முறை

ஷெஃபீல்ட் ஹலாம் பல்கலைக்கழகத்தில் விளையாட்டு ஊட்டச்சத்து மற்றும் உடற்பயிற்சி பேராசிரியரான மயூர் ராஞ்சோர்டாஸ் இது குறித்து கூறுகையில்

”ஊறுகாய் சாறு தசைப்பிடிப்பை தடுக்க பயன்படுத்தலாம் என்று நம்புகின்றனர். விளையாட்டு நிகழ்வுக்கு முன் இந்த ஊறுகாய் சாறு குடிப்பதால் எந்த நன்மையும் இருக்கும் என்பதற்கான ஆதாரங்கள் இல்லை. அதற்கு பதிலாக விளையாட்டு வீரர்கள் தசைப்பிடிப்பு தொடங்கும் போது அதை எடுத்துக் கொள்ளலாம். முன்னெச்சரிக்கையாக குடிக்க வேண்டியதில்லை.

அது குடிப்பதற்கு பதிலாக 20 முதல் 30 நிமிடங்கள் வரை வாயில் கொப்பளிக்க வேண்டும். அப்போதுதான் வினிகரும், உப்பும் செயல்பட தொடங்கும். அதன் பிறகு அந்த ஊறுகாய் சாற்றை துப்பலாம். ஆனால் சில விளையாட்டு வீரர்கள் சுவையை போக்க தங்கள் வாயை தண்ணீரை வைத்து கொப்பளித்து தவறு செய்கிறார்கள்.

ஊறுகாய் ஜாடியில் மிளகாய் சேர்த்து ஊற வைப்பது இன்னும் பயனுள்ளதாக இருக்கும். சுவை எவ்வளவு கொடூரமாக இருக்கிறதோ..அவ்வளவு பயனுள்ளதாக இருக்கும்" என்று அவர் கூறியிருக்கிறார்.

ஊறுகாய் சாறு திரவத்துடன் இணைந்து எலக்ட்ரோலைட்டுகளின் செறிவு இருப்பதால் விளையாட்டு வீரர்களுக்கு பயனுள்ளதாக கருதப்படுகிறது.

ஊறுகாய் சாறு எடுப்பதால்..

எல்லாராலும் விரும்பக்கூடிய சாறாக இந்த ஊறுகாய் சாறு இருக்காது. இது மிகவும் அடர்த்தியாகவும், உப்புத்தன்மையுடன் இருப்பதால் சிலருக்கு செரிமான பிரச்னைகள் ஏற்படக்கூடும். இது குறித்து மருத்துவர் கூறுகையில், ஒருவர் தடகள வீரர்கள் ஊறுகாய் சாறு குடித்த பிறகு ஆட்ட மைதானத்திலேயே வாந்தி எடுப்பதை தான் பார்த்திருப்பதாக கூறுகிறார். எல்லாவற்றிற்கும் பயிற்சி தேவைப்படுவது போல் ஊட்டச்சத்து செயல் திறனுக்கும் பயிற்சிகள் தேவைப்படும்” என்றுa அவர் கூறுகிறார்.