Pushpa 2: `அவர் 6 அடி தங்கம்' - பிரபாஸ் குறித்து அல்லு அர்ஜுன் நெகிழ்ச்சி

தெலுங்கு நடிகர் அல்லு அர்ஜுன் சமீபத்தில் பிரபாஸ் குறித்தி நெகிழ்வான கருத்துக்களைத் தெரிவித்துள்ளார்.

புஷ்பா 2 பட ரிலீஸை எதிர்நோக்கியிருக்கிறார் அல்லு அர்ஜுன். ராஷ்மிகா மந்தனா, ஃபஹத் பாசில் நடித்துள்ள புஷ்பா -2 படத்துக்கு ரசிகர்களிடம் பெரும் எதிர்பார்ப்பு உள்ளது. இதற்கான புரோமோஷன் வேலைகள் நடைபெற்று வருகின்றன.

ஒரு நேர்காணலில் கலந்துகொண்ட அல்லு அர்ஜுனிடம் பிரபாஸ் குறித்து கேட்கப்பட்ட கேள்விக்கு, "பிரபாஸ் 6 அடி உயர தங்கம்" என பதிலளித்துள்ளார். அவர் பேசியதாவது,

"நான் எப்போதும் அவரை ஆறடி உயர தங்கம் என்பேன். எனக்கு கிறிஸ்துமஸ் மரங்களை டெக்கரேட் செய்வது பிடிக்கும் என அவருக்குத் தெரியவந்ததால் ஐரோப்பாவில் இருந்து அழகான அலங்காரப் பொருட்களை எனக்கு அனுப்பி வைத்தார்.

எங்கள் இருவருக்குமே மரங்கள் பிடிக்கும் என்பதால் நான் அவருக்கு ஒரு செடியை பரிசாக வழங்கினேன். அது இப்போது அவரது ஃபார்ம் ஹவுஸில் பெரிய மரமாக வளர்ந்துவிட்டது." என்றார் அல்லு அர்ஜுன்.

அல்லு அர்ஜுனும் பிரபாஸும் டோலிவுட்டின் மிகப் பெரிய ஹீரோக்களாக வளர்ந்துள்ளனர்.

பிரபாஸ் ஹோம்பலே ஃபிலிம்ஸ் தயாரிப்பு நிறுவனத்துடன் 3 படங்களில் இணைவதற்காக ஒப்பந்தமிட்டுள்ளார். இந்தியா சினிமாவை உலக அரங்கிற்கு எடுத்துச் செல்ல இந்த ஒப்பந்தம் உதவும் எனக் கூறியுள்ள தயாரிப்பு நிறுவனம் சலார் 2 தான் இந்த ஒப்பந்தத்தின் முதல் படம் என்றும் கூறிள்ளது.

2026, 2027 மற்றும் 2028 ஆண்டுகளில் இந்த மூன்று திரைப்படங்களும் வெளியாகும். இதற்கு முன் People Media Factory நிறுவன தயாரிப்பில் மாருதி தாசரி இயக்கத்தில் ராஜ் சாப் என்ற படம் அடுத்ததாக வெளியாகவிருக்கிறது. இதுத்தவிர தி ஸ்பிரிட் என்ற படமும் சீதா ராமம் இயக்குநர் ஹனு ராகவ்புடி இயக்கத்தில் மற்றொரு படத்திலும் கமிட் ஆகியிருக்கிறார் பிரபாஸ்!