Serial Update: ’மாரி’ சீரியலிலிருந்து வெளியேறும் ஆஷிகா - காரணம் இதுதான்

ஜீ தமிழ் தொடரில் ஒளிபரப்பாகி வரும் ‘மாரி’ சீரியலில் அடுத்த சில தினங்களில் ‘இவருக்குப் பதில் இவர்’ மாற்றத்தை எதிர்பார்க்கலாம். தொடரின் ஹீரோயினே மாறவிருப்பதுதான் இதில் ஹைலைட்.

இதுதொடர்பாக சீரியலுடன் தொடர்பிலிருக்கும் சிலருடன் பேச்சுக் கொடுத்தோம்.

‘’ஜீ தமிழ் சேனல்ல பிரைம் டைம்ல ஒளிபரப்பாகி வருகிற தொடர்கள்ல குறிப்பிடத்தக்க ஒன்று ‘மாரி’ சீரியல். ஆஷிகா படுகோன், ஆதர்ஸ், ஷப்னம், உள்ளிட்ட நட்சத்திரங்கள் நடிச்சுக்கிட்டு வர்ற இந்தத் தொடர்ல ஆரம்பத்துல நடிகை சோனாவும் நடிச்சிட்டிருந்தாங்க. பிறகு என்ன காரணமோ தெரியலை, அவங்க முதல்ல சீரியல்ல இருந்து வெளியில போனாங்க.

அதுக்குப் பிறகும் கூட சில மாற்றங்கள் நடந்தாலும் இப்ப வரைக்கும் ரசிகர்கள்கிட்ட வரவேற்பு கிடைச்சிட்டுதான் வருது. இந்தச் சூழல்லதான் இப்ப தொடரின் ஹீரோயினே மாறப் போறதாச் சொல்றாங்க. அதாவது ஆஷிகா படுகோன் அடுத்த சில தினங்கள்ல இந்தத் தொடரிலிருந்து வெளியேறிடுவாங்க.

அவங்களே ஷூட்டிங் ஸ்பாட்டுல சக ஆர்ட்டிஸ்கள் சிலர்கிட்ட இந்தத் தகவலைச் சொல்லிட்டாங்க. சீரியல் ஸ்பாட்டுல அவங்களுக்கு யாருடனும் எந்தப் பிரச்னையும் இல்ல. அவங்க வெளியேறுவதற்கான உண்மையான காரணம் என்னனு யாருக்கும் தெரியலை. ‘சினிமா வாய்ப்பு வந்திருக்கு, அதான் போறேன்’ என்கிற பதில்தான் அவங்ககிட்ட இருந்து வருது’’’ என்கின்றனர் இவர்கள். தயாரிப்புத் தரப்பிலிருந்து இவரிடம் பேசி முடிவை மாற்றிக்கொள்ளக் கேட்டதாகவும் ஆனால் தன்னுடைய முடிவில் ஆஷிகா உறுதியாகவே இருப்பதாகவும் சொல்லப்படுகிறது. எனவே தயாரிப்புத் தரப்புமே ஹீரோயின் கேரக்டருக்கு வேறு ஆர்ட்டிஸ்ட் தேட ஆரம்பித்து விட்டதாம். கடந்த சில தினங்களாக இதற்கான ஆடிஷனும் நடந்து வருவதாகக் கூறப்படுகிறது.