Dhanush: "120 KM தூரம் நடந்தே மதுரைக்கு வந்தாங்க அம்மா; இன்பநிதிக்கு வாழ்த்துகள்...
Shwetha Mohan: ``இசைக்கு நான் நேர்மையாக இருந்திருக்கேன்!" - கலைமாமணி விருது குறித்து ஸ்வேதா மோகன்
Admin
- 4 hours ago
தமிழக அரசு சார்பில் கலை மற்றும் இலக்கிய துறையில் சிறந்த விளங்கியவர்களுக்கு உயரிய விருதான கலைமாமணி விருது வழங்கப்படும்.
2021, 2022, 2023-ம் ஆண்டுகளுக்கான கலைமாமணி விருது இன்று அறிவிக்கப்பட்டிருக்கிறது.
சினிமா துறையிலிருந்து 2021-ம் ஆண்டுக்கு நடிகர்கள் எஸ்.ஜே. சூர்யா, சாய் பல்லவி, இயக்குநர் லிங்குசாமி, சண்டைப் பயிற்சியாளர் சூப்பர் சுப்பராயன் ஆகியோருக்கும், 2022-ம் ஆண்டுக்கு நடிகர்கள் விக்ரம் பிரபு, ஜெயா வி.சி. குகநாதன், பாடலாசிரியர் விவேகா ஆகியோருக்கும், 2023-ம் ஆண்டுக்கு நடிகர்கள் மணி கண்டன், மரியம் ஜார்ஜ், நடன இயக்குநர் சாண்டி, பின்னணி பாடகி ஸ்வேதா மோகன், இசையமைப்பாளர் அனிருத் ஆகியோருக்கும் விருது அறிவிக்கப்பட்டிருக்கிறது.
கலைமாமணி விருது அறிவிக்கப்பட்டப் பிறகு பின்னணி பாடகி ஸ்வேதா மோகன் செய்தியாளர்களிடையே பேசியிருக்கிறார்.
அவர், ``அனைவருக்கும் நன்றி. நான் எல்லோருக்கும் நன்றி கடன் பட்டிருக்கேன். தமிழக அரசுக்கும் நன்றி தெரிவிக்கிறேன். இது எனக்கு கிடைத்த மிகப்பெரிய அடையாளம்.
சொல்லப்போனால், ஆசைப்படாத ஒரு அடையாளம். அம்மாவுக்கு 4 வருஷத்துக்கு முன்னாடி கலைமாமணி விருது கிடைத்திருந்தது.
இந்த விருது இன்னும் நான் பல தூரங்களுக்கு ஓடணும்னு ஊக்கத்தை தந்திருக்கு.
ஸ்வேதா மோகன்னு சொல்றது நான் மட்டும் கிடையாது. எனக்கு பின்னாடி இவங்க இருந்ததுனாலதான் இந்த பயணத்தை என்னால தொடர முடிஞ்சது.
எனக்கு நல்ல பாடல்களை தந்த இசையமைப்பாளர்களுக்கும், பாடலாசிரியர்களுக்கும், இயக்குநர்களுக்கும், தயாரிப்பாளர்களுக்கும் நான் நன்றி சொல்லிக்கிறேன்.
முக்கியமாக, என்னுடைய குருக்களுக்கும் நான் நன்றி சொல்லியாகணும்.
நேற்று ஜி.வி. சார் `வாத்தி' படத்தின் பாடல்களுக்காக விருது வாங்கியிருந்தது நானே வாங்கின மாதிரியான உணர்வைத் தந்தது. நான் விருதுகளுக்கும், அடையாளங்களுக்கும் பின்னாடி போகாத ஒரு நபர்.
15 வருஷத்துக்கு முன்னாடி, நான் கரியரைத் தொடங்கினப்போ நம்பர் 1 பாடகராகணும்னு, ஹிட் பாடல்கள் பாடணும்னு எந்த டார்கெட்டும் வச்சு நான் வரல.
மியூசிக் என்னுடைய வாழ்க்கை என்பதை மட்டும்தான் நான் யோசித்து வந்தேன்.
என்னுடைய தகுதியை தாண்டி எனக்கு பாராட்டுகளும், அடையாளங்களும் கிடைத்திருக்கு.
விருதுகள் இரண்டாவது விஷயம்தான். இசைக்கு நான் நேர்மையாக இருந்திருக்கேன். என்னுடைய பெஸ்டை கொடுக்கதான் நான் எப்போதும் முயற்சி பண்ணுவேன்." என்றார்.
