Siragadikka aasai : முத்து போடும் ஸ்கெட்ச்... முதல்முறையாக முத்துவுக்கு ஆதரவாகப் பேசிய விஜயா!

சிறகடிக்க ஆசை சீரியலில் இந்த வாரம் ரோகிணி வாரம். பெரும்பாலும் அவர் கதை தான் ஒளிப்பரப்பாகிறது. முத்துவுக்கு ரோகிணி மீதிருக்கும் சந்தேகம் வலுபெற்றுவிட்டது.

மலேசியாவுக்கு போகலாம் என்று முத்து வீட்டில் இருக்கும் அனைவரிடமும் கேட்க, ரோகிணிக்கு பதற்றமாகிறது. ரோகிணி மனோஜை தனியாக அழைத்து சென்று, `என் அப்பா சிறையில் இருக்கும் நேரத்தில் இவர்கள் சுற்றுலா செல்வது சரியாக இருக்குமா?' என்று சொல்லி அவரை குழப்புகிறார். மனோஜ் சாவிக் கொடுத்தப் பொம்மையைப் போல, வீட்டில் இருக்கும் அனைவரிடமும் சென்று, `ரோகிணி அப்பா சிறையில் இருக்கும் நேரத்தில் யாரும் அங்கு போக வேண்டாம்' என்கிறார்.

`ரோகிணியின் அப்பாவுக்கு சொந்தக்காரர்கள் என்று நாமிருக்கும் போது, அவர் அங்கு ஆதரவற்று இருக்கிறார். நாம் போனால் அவருக்கு ஆறுதலாக இருக்கும்' என்று முத்து சொல்ல அதனை விஜயா ஏற்கிறார். `முத்து சொல்வது தான் சரி' என்கிறார். அனைவரும் அதிர்ந்துப் பார்கின்றனர். முதல்முறையாக முத்து சொல்வதை சரி என்று விஜயா சொல்லி இருக்கிறார்.

உறவினர்களின் கடினமாக நேரத்தில் உடன் இருப்பதே உண்மையான அன்பு என்று அண்ணாமலையும் சொல்கிறார். அண்ணாமலை, விஜயா, முத்து, மீனா மலேசியா ட்ரிப் போவதாக முடிவாகிறது. ஸ்ருதியும் ரவியும் வேலைக் காரணமாக வரவில்லை என்கின்றனர்.

மீனாவுக்கு முத்துவோட மலேசியா பிளான் அதிர்ச்சி அளிக்கிறது. தனியாக அழைத்துக் கொண்டு போய் திட்டுகிறார். சிறுக சிறுக சேர்க்கும் பணத்தில் மலேசியாப் போவதா என்று மீனா முத்துவை கடிந்துக் கொள்கிறார்.

முத்து மலேசியாப் போவதாக சொன்னது முற்றிலும் பொய் என்கிறார். இது ரோகிணியை பற்றிய உண்மைகளை வெளியேக் கொண்டு வர போட்டத் திட்டம் என்று முத்து சொல்ல மீனா அமைதி ஆகிறார். எப்படியும் ரோகிணி நாம் மலேசியா செல்வதைத் தடுக்க பிளான் போடுவார் என்று முத்து யூகிக்கிறார்.

முத்து எதிர்பார்த்ததைப் போலவே ரோகிணி மனோஜை வைத்து மலேசியா ட்ரிப்பை நிறுத்த முயற்சி செய்கிறார். ஆனால் அது தோல்வியில் முடிகிறது.

வேறு வழியில்லை என்று மலேசியா மாமாவை வைத்து புதிய திட்டம் போடுகிறார் ரோகிணி. `ரோகிணியின் அப்பா சிறையிலேயே கொல்லப்பட்டுவிட்டதாக அனைவரிடமும் சொல்ல வேண்டும்’ என்கிறார் ரோகிணி. மலேசியா மாமாவாக நடிக்கும் பிரவுன் மணிக்கு இதுபோன்று பொய் சொல்வது பிடிக்கவில்லை. `நேர்மையாக இல்லையென்றால் எப்போதும் பயந்து கொண்டேவாழ வேண்டியிருக்கும்’ என மணி ரோகிணிக்கு அட்வைஸ் செய்கிறார்.

ஆனால் ரோகிணி, `என் வாழ்க்கையை நான் காப்பாற்றிக் கொள்ள வேண்டும்’ என்று எமோஷனலாகப் பேசி மணியை ஆஃப் செய்கிறார்.

மணிக்கு சினிமா வாய்ப்பு வாங்கித் தருவதாக ஏமாற்றி இப்படி பொய் சொல்ல வைக்கின்றனர் ரோகிணியும் வித்யாவும். இந்த நாடகத்தை முத்து கண்டுப்பிடிப்பாரா இல்லையா என்பது அடுத்தடுத்த எபிசோடுகளில் தெரியவரும்.

இதனிடையே ஸ்ருதி ரவியிடம் நாமா ஒரு நாளைக்கு எவ்ளோ நேரம் ஒன்னா செலவிட்றோம் என்று ரவியிடம் கேள்வி கேட்கிறார். தனக்காக நேரம் செலவிடாதக் கணவரை விவாகரத்து செய்யும் பெண் கதாபாத்திரத்திற்கு டப்பிங் பேசியதன் விளைவாக ஸ்ருதி இவ்வாறு கேட்கிறார்.

ரவி 4 மணி நேரம் என்று சொல்ல, ஸ்ருதி வீட்டிலும் இருக்கும் மற்ற ஜோடிகளிடம் கேட்கிறார். ரோகிணியும் மனோஜும் ஒரு நாளைக்கு 9 மணி நேரம் ஒன்றாக நேரம் செலவழிக்கிறோம் என்று சொல்கின்றனர். மீனாவும் முத்துவும் 10 மணி நேரம் செலவழிப்பதாக சொல்ல ஸ்ருதி ரவியை முறைக்கிறார்.

ரவி செய்வதறியாமல் சமாதானம் செய்ய முயல்கிறார். ஆனால் ஸ்ருதி இனி நமக்காக நேரம் செலவழிக்க வேண்டும் என்று சொல்லி மலேசியாவுக்கு நாமும் செல்லலாம் என்கிறார்.

போகாத டூருக்கு எத்தனை பேர் சேர்கிறார்கள்!

மீனாவுக்கு அனைவரும் மலேசியா போகும் எண்ணத்தில் இருப்பது வருத்தமளிக்கிறது. ஆனால் முத்து எப்படியும் ரோகிணி இந்த பயணத்தைத் தடுத்து விடுவார் என்ற நம்பிக்கை இருக்கிறது.

மணி சொல்வதை பொய் என்று முத்து நிரூபிப்பாரா? அடுத்தடுத்த எபிசோடில் தெரியும்!