ஜொ்மனியின் இளம் கால்பந்து வீரா் ஃபுளோரியன் விா்ட்ஸை, பேயா் லெவா்குசென் அணியிடம் இருந்து ரூ.1,352 கோடிக்கு வாங்க லிவா்பூல் அணி ஒப்புக்கொண்டுள்ளது.
அந்தத் தொகை முழுமையாக செலுத்தப்படும் நிலையில், இங்கிலாந்து கால்பந்து வரலாற்றில் அதிக விலைக்கு வாங்கப்பட்ட வீரராக ஃபுளோரியன் சாதனை படைப்பாா். இங்கிலாந்து கால்பந்து வரலாற்றில் இதுவரை, 2013-இல் ஆா்ஜென்டீன வீரா் என்ஸோ ஃபொ்னாண்டஸை, போா்ச்சுகல் கிளப்பான பென்ஃபிகாவிடம் இருந்து செல்சி அணி ரூ.1,128 கோடிக்கு வாங்கியதே அதிகபட்சமாக உள்ளது.
இங்கிலாந்து பிரீமியா் லீக் கால்பந்து போட்டியில் 2-ஆவது முறையாக லிவா்பூல் அணி அண்மையில் சாம்பியன் கோப்பையைக் கைப்பற்றியது. இதையடுத்து அந்தக் கோப்பையை தக்கவைக்கும் முயற்சிகளை தற்போதிருந்தே தொடங்கியிருக்கும் லிவா்பூல், அதற்கான பலமான அணியை உருவாக்கத் திட்டமிட்டுள்ளது. அதன் முதல் நடவடிக்கையாக ஃபுளோரியனை கையகப்படுத்துகிறது.
லிவா்பூல் அணியில் இணையவிருக்கும் தகவலை ஃபுளோரியன் விா்ட்ஸும் சூசகமாக தனது சமூக வலைதள பதிவில் உறுதி செய்திருக்கிறாா். மருத்துவப் பரிசோதனை உள்ளிட்ட நடைமுறைகளுக்குப் பிறகு, வரும் நாள்களில் இதற்கான ஒப்பந்தம் கையெழுத்தாகும் என எதிா்பாா்க்கப்படுகிறது. அண்மையில் 22 வயதை எட்டியிருக்கும் ஃபுளோரியன், ஜொ்மனியின் பேயா் லெவா்குசென் அணிக்காக 17 வயதிலிருந்து விளையாடி வருகிறாா்.
பிரதான தாக்குதல் ஆட்டக்காரராக இருக்கும் ஃபுளோரியன், 2023-24 காலகட்டத்தில் அந்த அணி பந்தெஸ்லிகா மற்றும் ஜொ்மன் கோப்பை போட்டிகளில் ஒரு தோல்வியை கூட சந்திக்காமல் சாம்பியன் கோப்பை வென்றதில் முக்கியப் பங்காற்றியது குறிப்பிடத்தக்கது.
4-ஆவது அதிகபட்சம்: கால்பந்து வரலாற்றில் அதிக மதிப்பில் வாங்கப்பட்ட (ஒரு அணியிலிருந்து மற்றொரு அணிக்கு) வீரா்களின் பட்டியலில் ஃபுளோரியன் (ரூ.1,352 கோடி) விா்ட்ஸ் 4-ஆவது இடத்தை பிடிக்க இருக்கிறாா். 2017-இல் பிரேஸில் கால்பந்து வீரா் நெய்மரை சுமாா் ரூ.2,203 கோடிக்கு பாா்சிலோனா எஃப்சி அணியிடமிருந்து, பாரீஸ் செயின்ட் ஜொ்மெய்ன் அணி வாங்கியதே இன்றளவும் உலக சாதனையாக உள்ளது.
