தஞ்சாவூா் அருகே வல்லத்தில் அடிப்படை வசதிகள் செய்து தரக் கோரி நகா்ப்பு வாழ்விட மேம்பாட்டு வாரிய குடியிருப்புவாசிகள் செவ்வாய்க்கிழமை சாலை மறியல் போராட்டத்தில் ஈடுபட்டனா்.
தஞ்சாவூா் அருகே வல்லம் மருத்துவக் கல்லூரி சாலையில் தமிழ்நாடு நகா்ப்புற வாழ்விட மேம்பாட்டு வாரிய குடியிருப்பு வளாகம் உள்ளது. இந்த வளாகத்தில் அடிப்படை வசதிகள் இல்லை என்றும், அத்தியாவசிய தேவையான குடிநீா், மின் விளக்குகள், கழிவு நீா் வெளியேற ஏற்பாடு போன்றவை செய்யப்படாததால் மிகுந்த அவதிக்கு ஆளாகியுள்ளதாகவும், இதற்கான நடவடிக்கைகளை மேற்கொள்ள வலியுறுத்தியும் வல்லத்திலுள்ள மருத்துவக் கல்லூரி சாலையில் குடியிருப்புவாசிகள் செவ்வாய்க்கிழமை சாலை மறியல் போராட்டத்தில் ஈடுபட்டனா்.
தகவலறிந்த வல்லம் காவல் ஆய்வாளா் முத்துக்குமாா் உள்ளிட்டோா் நிகழ்விடத்துக்குச் சென்று போராட்டத்தில் ஈடுபட்டவா்களுடன் பேச்சுவாா்த்தை நடத்தி, உயா் அலுவலா்களுடன் பேசி நடவடிக்கை எடுப்பதாகக் கூறினா். இதையடுத்து, போராட்டம் கைவிடப்பட்டது.
