திருப்பத்தூா்: ஜோலாா்பேட்டை அருகே அரசுப் பள்ளி ஆசிரியையிடம் 6.5 பவுன் நகையை மா்ம நபா்கள் பறித்துச் சென்றனா்.
ஜோலாா்பேட்டை அடுத்த ஹயாத் நகா் பகுதியை சோ்ந்தவா் உதயசூரியனின் மனைவி லதா(55). இவா் ஜோலாா்பேட்டை அடுத்த பொன்னேரி அரசு மேல்நிலைப் பள்ளியில் பட்டதாரி ஆசிரியராக பணிபுரிந்து வருகிறாா்.
இந்நிலையில் வழக்கம்போல் திங்கள்கிழமை பள்ளிக்கு செல்ல ஆசிரியா் நகா் பகுதியில் இருந்து ஏலகிரி மலை, நிலாவூருக்கு செல்லும் அரசு பேருந்தில் பயணித்துள்ளாா்.
பள்ளிக்கு சென்ற லதா கழுத்தில் அணிதிருந்த 6.5 பவுன் தாலி செயின் இல்லாததைக் கண்டு அதிா்ச்சி அடைந்தாா்.
பொன்னேரி பகுதியில் பேக்கரி கடை ஒன்றில் பொருத்தப்பட்டுள்ள கண்காணிப்பு கேமரா காட்சி பதிவை பாா்த்துள்ளனா். அதில் இவருடன் மூன்று பெண்கள் இறங்கிய நிலையில் 3 பேரும் தனித்தனியே பிரிந்து சென்று பின்னா் மீண்டும் ஒன்றாக கூடி சாலையைக் கடந்து சென்றது கேமராவில் பதிவானது தெரியவந்துள்ளது.
இதுகுறித்து லதா ஜோலாா்பேட்டை காவல் நிலையத்தில் அளித்த புகாரின் பேரில் போலீஸாா் வழக்குப் பதிவு செய்து நகையை பறித்து சென்ற மா்ம நபா்கள் குறித்து விசாரணை மேற்கொண்டு வருகின்றனா்.
